بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە ايتىلدى.
«بۇگىنگى تاڭدا قابىلدانعان شارالار ناتيجەسىندە ەلىمىزدىڭ پوليتسەيلەرى 1 430 بىرلىك قارۋ مەن 35 مىڭنان استام وق-ءدارىنى تاۋىپ, تاركىلەدى. تاركىلەنگەندەردىڭ ىشىندە 323 تاپانشا, 148 اۆتومات, 195 تراۆماتيكالىق تاپانشا, 9 گراناتومەت, 69 بىرلىك ارنايى قارۋ, 8 مىلتىق, 6 پۋلەمەت جانە باسقا دا قارۋ تۇرلەرى بار. جۋىردا جامبىل وبلىسى پوليتسيا دەپارتامەنتىنىڭ عيماراتىنا شابۋىل جاسادى دەگەن كۇدىكپەن تاراز قالاسىنىڭ تۇرعىنى ۇستالدى, ول وسى جىلدىڭ 6 قاڭتارىنا قاراعان ءتۇنى اكىمشىلىك عيماراتتىڭ قويماسىنان وق قوراپشاسى بار 4 «ماكاروۆ» تاپانشاسىن, 7,62 مم كاليبرلى 120 پاتروندى جانە 12 كاليبرلى 11 اڭشىلىق پاتروندى ۇرلاپ كەتكەن. ۇرلانعان قارۋ كۇدىكتىنىڭ تۇرعىلىقتى جەرى بويىنشا جەكە ءۇيدىڭ اۋلاسىندا جابدىقتالعان قويمادان تابىلدى», دەدى ءىىم وكىلى سانجار ءادىلوۆ.
ونىڭ ايتۋىنشا, تاراز قالاسىنىڭ تاعى ءبىر كۇدىكتى تۇرعىنى جامبىل وبلىسى پوليتسيا دەپارتامەنتىنەن ءوزى ۇرلاعان قارۋدى ساقتاعان ەكى قويمانى كورسەتىپ, ءوز كىناسىن تولىق مويىنداعان.
