وسىلايشا ەگەر بۇرىن از قامتىلعان ساناتتارعا 90 اەك (260 مىڭ تەڭگەدەن استام) مولشەرىندە اقشالاي كومەك بولىنسە, ەندى وسى الەۋمەتتىك كومەكتىڭ مولشەرى 130 اەك-كە دەيىن (410 مىڭ تەڭگەدەن استام) ۇلعايتىلدى. الەۋمەتتىك كومەكتى ارتتىرۋ تۋرالى ۇسىنىستى قالالىق ءماسليحات قولدادى. الەۋمەتتىك كومەكتىڭ بۇل ءتۇرىن الۋ ءۇشىن egov.kz پورتالى ارقىلى ءوتىنىش قالدىرۋ كەرەك.
ەسكە سالا كەتسەك, ەلوردادا جەكە سەكتوردى گازداندىرۋ جۇمىستارى جالعاسۋدا. قازىرگى ۋاقىتتا الماتى جانە سارىارقا اۋداندارى تولىعىمەن گازداندىرىلدى. ول ءۇشىن قالادا 680 شاقىرىمنان استام گاز تاراتۋ جەلىلەرى سالىنعان, جەلىلەر 9 تۇرعىن الابىنا جەتكىزىلدى. قالعان ەكى اۋدان بويىنشا دا گاز تاراتۋ جەلىلەرىن سالۋ جۇمىستارى كەزەڭ-كەزەڭمەن جۇرگىزىلەدى.
قالانى گازداندىرۋ قالا ەكولوگياسىن ايتارلىقتاي جاقسارتۋعا مۇمكىندىك بەرەدى. قازىرگى ۋاقىتتا 3 مىڭنان استام وتباسى گازعا كوشتى. گازعا قوسىلعان ۇيلەردىڭ سانى كۇن سايىن ارتىپ كەلەدى. سونداي-اق جەو-1 جانە جەو-2-دەگى بارلىق سۋ جىلىتۋ قازاندىقتارى دا گازعا اۋىستىرىلدى.
