كەزدەسۋ بارىسىندا تاراپتار الداعى قاجىلىق ماۋسىمىنا قاتىستى بىرقاتار سۇراقتى, سونىڭ ىشىندە قازاقستاندىق قاجىلارعا كۆوتا ءبولۋ, قاجىلىقتى ۇيىمداستىرۋ ماسەلەلەرىن تالقىلادى.
مينيستر ۋمرا مەن قاجىلىقتى ۇيىمداستىرۋ ەرەجەلەرىندەگى سوڭعى وزگەرىستەر جونىندە, سونداي-اق كوروناۆيرۋسقا بايلانىستى قاجىلىق ورىندارىندا ەنگىزىلگەن ارنايى تالاپتار تۋرالى حابارلادى.
ءوز كەزەگىندە, ەلشى ب. ارىن ساۋد ارابياسىنىڭ ۇكىمەتىنە قازاقستان ازاماتتارىنا قاجىلىق جاساۋ ءۇشىن كورولدىك اۋماعىندا بولۋ كەزىندە ءاردايىم ءبولىپ جۇرگەن كوڭىلى جانە كورسەتىپ جاتقان كومەگى ءۇشىن ريزاشىلىعىن ءبىلدىردى.
كەزدەسۋ قورىتىندىسى بويىنشا الداعى قاجىلىق ماۋسىمىنىڭ ۇيىمداستىرۋ ماسەلەلەرىن تالقىلاۋ ءۇشىن ساك قاجىلىق جانە ۋمرا مينيسترلىگى مەن قازاقستان مۇسىلماندارى ءدىني باسقارماسىنىڭ وكىلدەرى اراسىندا جاقىن ارادا كەلىسسوزدەر ۇيىمداستىرۋ تۋرالى ۋاعدالاستى.
