«الماتى قالاسى اۋەجايىنىڭ جەلىلىك پوليتسيا ءبولىمىنىڭ باستىعى ۇستالدى. ول قاڭتار وقيعاسى كەزىندە ءوزىنىڭ قىزمەتتىك مىندەتتەرىن ورىنداماي, اۋەجايدى كۇزەتسىز قالدىردى. وسىلايشا, اۋەجايدى باسىپ الۋعا جول بەردى. سالدارىنان اۋەجايعا ايتارلىقتاي زيان كەلتىرىلدى. ونىڭ ينفراقۇرىلىمى بۇزىلدى, كاسىپكەرلەردىڭ مۇلكى ۇرلاندى, جولاۋشىلاردىڭ ءومىرى مەن دەنساۋلىعىنا قاۋىپ ءتوندى», دەدى ول وكق-داعى بريفينگتە.
ەلدوس قيلىمجانوۆتىڭ ايتۋىنشا, سول كەزدە اۋەجايدا 165 قاۋىپسىزدىك قىزمەتكەرى, ونىڭ ىشىندە 40 پوليتسيا قىزمەتكەرى, 65 شەكاراشى, 60 اۆياتسيالىق قاۋىپسىزدىك قىزمەتكەرى بولعان. ولاردىڭ ءبارى شابۋىلعا تويتارىس بەرۋ ءۇشىن جەتكىلىكتى اتىس قارۋىمەن قامتاماسىز ەتىلگەن.
