بۇعان دەيىن وڭىردە مەملەكەتتىك قىزمەتشىلەر عانا جىل سايىنعى ەڭبەك دەمالىسىنا شىققاندا ساۋىقتىرۋ جاردەماقىسىن الاتىن.
ەندى بۇل اقشا بيۋدجەتتىك ۇيىمداردىڭ بارلىق قىزمەتكەرلەرىنە تولەنەتىن بولدى.
ءتيىستى نورما شقو اكىمدىگى, وبلىستىق كاسىپوداق جانە جۇمىس بەرۋشىلەر بىرلەستىكتەرى اراسىنداعى 2021-2023 جىلدارعا ارنالعان وڭىرلىك كەلىسىمدە بەكىتىلدى.
«ساۋىقتىرۋ جاردەماقىسى بيۋدجەت ەسەبىنەن قارجىلاندىرىلاتىن ۇيىمداردىڭ قىزمەتكەرلەرىنە بەرىلۋى ءتيىس. ەڭبەك كودەكسىندە جازىلعانداي, جۇمىس بەرۋشى مەملەكەتتىك قىزمەتشىلەرگە جىل سايىنعى ەڭبەك دەمالىسىنا شىققان كەزدە ءبىر جالاقى مولشەرىندە وسى جاردەماقىنى تولەۋگە مىندەتتەلەدى. الايدا ۇجىمدا مەملەكەتتىك قىزمەتشىلەر ساناتىنا كىرمەيتىن جۇمىسشىلار دا بار. ەندى جاڭا كەلىسىم بويىنشا بارلىق جۇمىسشىلاردىڭ جاردەماقى الۋعا قۇقىعى بار», دەيدى باسقارما باسشىسى باقىتبەك قيزاتوۆ.
