№17 شارل دە گولل-ميراس فرانتسۋز مەكتەبىنىڭ جانە وزگە دە ءبىلىم مەكەمەلەرىنىڭ جۇزدەن استام وقۋشىسى «الەمدىك ەستافەتاعا» قاتىستى. 24 ساعات بويى جالعاساتىن بۇل ەستافەتا فيدجيدەن باستاۋ الىپ, جاپونيا, كامبودجا, قازاقستان, ءۇندىستان, كامەرۋن, برازيليا جانە اقش ەلدەرىنەن ءوتىپ, تايتيدە اياقتالادى (فرانتسۋز پولينەزياسى). ول جەر شارىنىڭ قىرىقتان استام ەلىن جانە 24 ساعات ۋاقىت بەلدەۋىن قامتيدى. ءىس-شاراعا فرانتسيانىڭ قازاقستانداعى ەلشىسى ديدە كانەسس پەن مادەنيەت جانە سپورت ۆيتسە-ءمينيسترى سەرىك جاراسباەۆ, سونداي-اق 18 سپورتشى قاتىستى.
ايتا كەتەيىك, 1900 جانە 1924 جىلدارداعى وليمپيادالاردان كەيىن پاريج قالاسى 2024 جىلى ءۇشىنشى رەت جازعى وليمپيا ويىندارىن قابىلداماق. تورتجىلدىقتىڭ باستى دوداسى 2024 جىلدىڭ 26 شىلدەسى مەن 11 تامىزى ارالىعىندا وتەدى.
