از ۋاقىتتىڭ ىشىندە ايران-اسىر ابىرويعا كەنەلگەن «يرينا كايراتوۆنا» قوعامعا ناسيحاتتىق اندەر الىپ كەلدى. سونىسىمەن دە ەرەكشەلەندى. قازاقستان جاستارىنىڭ كوبى دەرلىك يك-نىڭ اندەرىنە بيلەيدى ء(تىپتى ءبىز دە). ولار تالانتتى: مۋزىكا جازۋدا, ونى كورەرمەنگە ۇسىنۋدا ءھام ساپالى بەينەروليك تۇسىرۋدە. ارينە, ەڭ الدىمەن, ولاردىڭ يدەيالارى ءساتتى شىعۋدا. سول ءۇشىن دە ءار جاڭا ءانى مەديا كەڭىستىكتە ءدۇمپۋ تۋعىزادى. جانە ولار اقىلدى: قازىرگى جاستارعا, زاماناۋي پلاتفورماعا نە ۇنايتىنىن, قانداي فورماتتى قالايتىنىن بىلەدى. سول ءۇشىن دە ۇگىتشىلىك كوزقاراس ۇستانادى: وزىندىك ستيل جانە حالىق قىزىعۋى ءۇشىن. ياعني ونەر ءۇشىن ەمەس. ءيا, «يك»-نىڭ ميلليون قارالىم جيناپ, ءار كەشىندە ينە شانشىر ورىن بولماي, ءتىپتى كەشىككەندەر سىيماي قالاتىن اتاق-داڭقى تازا ونەر ءۇشىن دەگەن كوزقاراستان تۋماعانى انىق. قالاي دەسەك تە ولاردىڭ ءار تۋىندىسى جاستار اراسىنا بۇزىپ-جارىپ كىردى. بۇل شىندىق «يرينا كايراتوۆنانى» تاريحتا قالدىرۋى دا ابدەن مۇمكىن.
ايتپاقشى, جۋىردا «يك»-نىڭ جاڭا ءانى شىقتى: «كوك تۋ». ءبىر قاراعاندا, تۋ تۋرالى پاتريوتتىق ءان بە دەرسىز... الايدا وندا مەنتاليتەتىمىزدەن باستاپ 19 ميلليون تەڭگەگە دەيىن ءسوز بولادى. ادەتتەگىدەي, ءان ءبىر تاقىرىپقا عانا قۇرىلماعان, ءۇش تىلدە قىرىق جاماۋ وي ايتادى. اسىرەسە, «قۋ, قۋساڭ, ينتەلليگەنتنو قۋ» سويلەمى كەڭ تارالىپ كەتتى,
«جەلبىرەتىپ كوك تۋدى
Boys in the hood.
كىم قانداي ءجۇز؟
كىمدە قانداي رۋ؟
بۇل, ءبىزدىڭ مەنتاليتەت
قوي بۇل!
قۋ, قۋساڭ, ينتەلليگەنتنو قۋ!
True بول! True سويلە!
True, true, true...»
P.S. بالكي, مۋزىكاداعى وزىندىك ستيلىمەن, مەديا ءۇشىن قولداناتىن پروپاگاندالىق ويلارىمەن, ماعىناسىز سوزدەرىمەن ەرەكشەلەنەتىن «انشىلەر» تۋرالى ءسوز قوزعاۋ – دەڭگەيسىزدىك دەرسىز. الايدا بۇل – جاستاردىڭ تاڭداۋى. ءبىزدىڭ قوعامدا ەستىلىپ جاتقان ءان...
