اتىراۋ وبلىسى ماقات اۋدانىنداعى ءبىلىم وشاقتارىنىڭ سانيتارلىق جاعدايى تالاپقا ساي ەمەس. بۇل تۋرالى وبلىستىق پروكۋراتۋرانىڭ ءباسپاسوز قىزمەتى حابارلادى.
پروكۋرورلىق قاداعالاۋدىڭ باسىمدى باعىتتارىنىڭ ءبىرى - جاسى كامەلەتكە تولماعانداردىڭ قۇقىقتارىنىڭ ساقتالۋى بولىپ تابىلادى.وسى نەگىزدە, ماقات اۋداندىق پروكۋراتۋراسىمەن ءبىلىم بەرۋ ۇيىمدارىنداعى سانيتارلىق-ەپيدەميولوگيالىق نورمالارىنىڭ جانە ءورت قاۋىپسىزدىگى ەرەجەلەرىنىڭ ساقتالۋىنا تەكسەرۋ جۇرگىزىلدى.
تەكسەرۋ قورىتىندىسىمەن, ماقات پوسەلكەسىندەگى بالالار باقشاسىنىڭ جانە دوسسور پوسەلكەسىندە ورنالاسقان ەكى مەكتەپتىڭ اسحانالارىندا ىشەك تاياقشاسى باكتەريالارى انىقتالعان. انىقتالعان كەمشىلىككە وراي, پروكۋرورلىق ىقپال ەتۋ اكتىسى نەگىزىندە اتالعان ءبىلىم بەرۋ مەكەمەلەرىنىڭ قىزمەتتەرى ۋاقىتشا توقتاتىلىپ, 936 بالانىڭ قۇقىعى قورعالدى. بۇل نىساندار سانيتارلىق-ەپيدەميولوگيالىق نورمالارعا تولىق سايكەستەندىرىلگەنشە, ولاردىڭ قىزمەتتەرىن توقتاتۋ تۋرالى اۋدانارالىق مامانداندىرىلعان ەكونوميكالىق سوتقا اۋداندىق تۇتىنۋشىلاردىڭ قۇقىعىن قورعاۋ باسقارماسىمەن تالاپ ارىز بەرىلدى.
جولداسبەك شوپەعۇل.
دەرەككوز: وبلىستىق پروكۋراتۋرا.
فوتو: www. Today.kz.
