اتىراۋدىڭ «بەيبارىس» كومانداسىنا ايىپپۇل سالىندى

اتىراۋ وبلىسىنىڭ نامىسىن قورعايتىن «بەيبارىس» حوككەي كومانداسىنا 850 مىڭ تەڭگە كولەمىندە ايىپپۇل سالىندى. بۇل تۋرالى كوماندا ديرەكتورى بولات مۇحامبەتقاليەۆ حابارلادى. قازاقستان حوككەي فەدەراتسياسىنىڭ وسىنداي شەشىم قابىلداۋىنا «بەيبارىس» پەن قاراعاندىلىق «ارىستان» كوماندالارى اراسىندا وتكەن كەزدەسۋدە كورەرمەن تاراپىنان تارتىپسىزدىككە جول بەرىلگەنى سەبەپ بولعان. ويىن تورەشىسىنىڭ شەشىمىنە  نارازىلىعىن تيىن شاشۋمەن بىلدىرگەن جانكۇيەردىڭ ادەپسىزدىگىنە بايلانىستى «بەيبارىس» كومانداسىنا ايىپپۇل سالىندى. -فەدەراتسيا شەشىمىمەن ءتارتىپ بۇزۋشىلىق سالدارىنان «بەيبارىس» كومانداسىنا 850 مىڭ تەڭگە ايىپپۇل سالىندى. جانە سوڭعى بەسىنشى ويىندى باسقا الاڭدا وتكىزۋگە شەشىم قابىلداندى. تارتىپسىزدىك جاساعان ادامدى انىقتاۋ ۇستىندەمىز. بىراق كىم ەكەنىن, قاي جەردە تۇراتىنى تۋرالى ماعلۇمات جوق. انىقتاعاننان كەيىن قۇقىق قورعاۋ ورگاندارىنا ارىزىمىزدى جازامىز, –دەيدى «بەيبارىس» حوككەي كومانداسىنىڭ ديرەكتورى بولات مۇحامبەتقاليەۆ. ەسكە سالا كەتەيىك,  اتىراۋلىق «بەيبارىس» كومانداسى بەس جىل بۇرىن قۇرىلعان. وسى كەزەڭدە اتالعان كوماندا ەل چەمپيوناتىنىڭ ەكى التىن جانە ەكى كۇمىس جۇلدەسىنە يە بولدى. ال بيىلعى چەمپيوناتتا  قولا جۇلدەگە قول جەتكىزۋدى كوزدەپ وتىر. جولداسبەك شوپەعۇل. اتىراۋ وبلىسى. دەرەككوز: اتىراۋ وبلىسىنىڭ «بەيبارىس» حوككەي كومانداسى. فوتو: www. dmk. kz.