ءدىني كونفەسسيالار وكىلدەرى پوليتسەيلەرمەن كەزدەستى

سۋيتسيد – مىنەز-ق ۇلىق اۋىتقۋى.  دەگەنمەن, قازىرگى تاڭدا وزىنە ءوزى قول سالۋ  بىرجاقتى پاتولوگيالىق تۇرعىدان قاراستىرىلمايدى. بۇل ارەكەت كوپ جاعدايدا ەسى دۇرىس ادامنىڭ مىنەز-قۇلقى بولىپ تابىلادى. سوندىقتان وزىنە ءوزى قول سالۋعا قاتىستى ارەكەت مىنەز-ق ۇلىقتىڭ بۇزىلۋ فورماسىنىڭ ەڭ شەگى دەيمىز. مىنە, وسى ورايدا ىشكى ىستەر ورگاندارى قىزمەتكەرلەرىنىڭ اراسىندا سۋيتسيدتەردىڭ الدىن الۋ ءۇشىن  پسيحولوگيالىق جاعدايدىڭ جاسىرىن نىساندارى مەن اسپەكتىلەرىن تانۋ كەرەك بولعان كورىنەدى.  ماسەلەن, شىعىس قازاقستان وبلىسى مامانداندىرىلعان مەملەكەتتىك كۇزەت باسقارماسىنىڭ پسيحولوگ-يسپەكتورلارى «ىشكى ىستەر ورگاندارى قىزمەتكەرلەرى اراسىندا سۋيتسيد­تىك كورىنىستەردىڭ الدىن الۋ» تاقىرىبى بويىنشا سەمينار-كەڭەس ۇيىمداستىردى. كومەك الۋ ءۇشىن اتالعان كەڭەسكە ءتۇرلى ءدىني كونفەسسيالاردىڭ وكىلدەرى مەن شقو ءىىد پسيحولوگ-ينسپەكتورلارى شاقىرىلدى. سونداي-اق, ءىس-شاراعا ممكب باسشىلىعى جانە پوليتسيا باتالوندارى مەن ۇلان جانە گلۋبوكوە اۋداندارىنداعى پوليتسيا ۆزۆودتارىنىڭ جەكە جانە باسشى قۇرامى قاتىستى. ولاردىڭ الدىندا سويلەگەندەر ومىردە بولاتىن ءتۇرلى جاعدايلاردىڭ ماعىنالىق اسپەكتىلەرىن, پروبلەمالىق جاعداي­­­لاردى شەشۋ­دەگى قيىنشىلىقتاردى شىدام­دىلىقپەن ءوتۋ جولدارىن ايتتى. وعان قوسا, ەموتسيا­لىق تۇراقتىلىق پەن تۇلعانىڭ دامۋىندا وڭ سەرپىنگە سەبەپشى بولاتىن پروفيلاكتيكالىق جۇمىستىڭ وڭتايلى ادىستەرى مەن تاسىلدەرىن تالقىلادى, دەپ حابارلادى شقو ءىىد ءباسپاسوز قىزمەتى.