وسى جيىنعا قاتىسقان «الماتى جىلۋ ورتالىعى» وكىلدەرىنىڭ حابارلاۋىنشا, گازداندىرۋ جۇمىستارى ءالى ۇيىمداستىرۋ جانە دايىندىق كەزەڭىندە. جوبالىق-سمەتالىق قۇجاتتار كونكۋرستىق رەسىمدەۋدەن وتپەگەن.
«جەو-2 ءنى قايتا جاڭعىرتۋ ءۇشىن قولدانىستا جۇرگەن زاڭدارعا وزگەرىستەر كەرەك. بۇل جەردە اڭگىمە جوبانى قارجىلاندىرۋ تۋرالى بولىپ وتىر. جەو-2 قارجىلاندىرۋ ەكولوگيالىق قاجەتتىلىكتەردەن تۋىنداپ وتىر. ءبىز ماۋسىم ايىندا قولدانىستاعى زاڭعا وزگەرىستەر ەنەدى دەپ كۇتىپ وتىرمىز», دەدى «الەس» باس ينجەنەرى عازيز يسمۇحامبەتوۆ.
ال جەو-3-ءتى گازداندىرۋ جۇمىسى دا ءالى باياۋ ءجۇرىپ جاتىر. «الەس» وتكەن جىلدىڭ جەلتوقسان ايىندا كونكۋرستىق اۋكتسيوندا جەڭىسكە جەتكەن ەدى, بىراق ونىڭ ناتيجەسى كۇشىن جويدى. ەندىگى كونكۋرس مامىر ايىندا وتەدى.
الماتى قالاسى ەكولوگيا دەپارتامەنتىنىڭ باسشىسى قونىسبەك بايەدىلوۆ جيىن بارىسىندا وتكەن جىلى كومپانيادان ناقتى ءىس-شارالار جوسپارىن ۇسىنۋدى سۇراعانىن, بىراق ءالى كۇنگە دەيىن الماعانىن ايتتى.
«ەسەپتەرىڭىزگە قاراعاندا, جۇمىس وتە ناشار جۇرگىزىلۋدە. ءتىپتى ناقتى كۇندەر مەن جاۋاپتى ادامداردى اتاي المايسىز. جوسپار بويىنشا جوبا 2025 جىلدىڭ سوڭىنا دەيىن جۇزەگە اسىرىلۋى ءتيىس, بىراق جۇمىس ىستەسەك, ۇلگەرمەي قالامىز», دەدى ەكولوگيا دەپارتامەنتىنىڭ باسشىسى.
جيىنعا قاتىسقان «الەس» اق وكىلى جوسپاردى بەرۋگە ۋادە ەتتى, بىراق كومپانياعا بايلانىستى ەمەس جاعدايلاردى العا تارتىپ, ناقتى قاشان بولاتىنىن ايتا المادى.
ء«بىز اسەر ەتە المايتىن فاكتورلار بار. ءبىز تاپسىرىس بەرۋشىلەرگە تەندەر جاريالاپ, وعان ءىرى حالىقارالىق كومپانيالار قاتىسادى دەپ كۇتتىك, بىراق گەوساياسي وقيعالارعا بايلانىستى ولار تەندەرگە قاتىسپادى. ءبىز بارلىعىن بولجاي المايمىز», دەيدى «الەس» وكىلدەرى.
«الەس» اق وكىلى جوسپاردى بەرۋگە ۋادە بەردى, بىراق كومپانياعا بايلانىستى ەمەس جاعدايلاردى العا تارتىپ, ناقتى قاشان بولاتىنىن ايتا المادى. ء«بىز اسەر ەتە المايتىن فاكتورلار بار. ءبىز تاپسىرىس بەرۋشىلەرگە تەندەر جاريالاپ, وعان ءىرى حالىقارالىق كومپانيالار قاتىسادى دەپ كۇتتىك, بىراق گەوساياسي وقيعالارعا بايلانىستى ولار تەندەرگە قاتىسپادى. ءبىز بارلىعىن بولجاي المايمىز», دەيدى «الەس» اق وكىلى.
2021 جىلدىڭ قاراشاسىندا مەملەكەت باسشىسى قاسىم-جومارت توقاەۆ الماتىداعى جەو-2-دە بولىپ, گازداندىرۋ جۇمىستارىمەن تانىسىپ, «سامۇرىق-قازىنا», الماتى قالاسى اكىمدىگى, جەو-2 باسشىلارىنا جوبانى ۋاقتىندا اياقتاۋ تۋرالى تاپسىرما بەرگەن بولاتىن.
