Polisia.kz سايتىنىڭ مالىمەتىنشە, ىشكى ىستەر مينيسترلىگىنىڭ قىزمەتكەرلەرى ەسىرتكى جەتكىزۋ ارنالارىنىڭ جولىن كەسۋ ماقساتىندا شەكارالاس مەملەكەتتەردىڭ ەسىرتكىگە قارسى ۆەدومستۆولارىمەن تىعىز ىنتىماقتاستىق ۇيىمداستىرعان. الماتى, اقتوبە, اتىراۋ جانە شىعىس قازاقستان وبلىستارىندا جارتى جىل بويى ەسىرتكى ساتۋشىلاردىڭ ارەكەتىن جويۋ بويىنشا بىرلەسكەن ارنايى وپەراتسيا جۇرگىزىلگەن.
دەپارتامەنت باستىعىنىڭ مىندەتىن اتقارۋشى اسقار مۇحامەتقاليەۆتىڭ ايتۋىنشا, سوڭعى جىلدارى سينتەتيكالىق ەسىرتكى مەن ونى وندىرۋگە ارنالعان قۇرامداس بولىكتەر شەكارالاس مەملەكەتتەردەن جەتكىزىلگەنىن ەسكەرە وتىرىپ, شەتەلدىك ارىپتەستەرمەن ىنتىماقتاستىققا باسىمدىق بەرىلگەن. وسىلايشا بيىلعى ءۇش ايدا عانا قازاقستاندىق پوليتسەيلەر وسىنداي ءوزارا ءىس-قيمىل شەڭبەرىندە 9 ادامدى ۇستاعان.
«زاڭسىز اينالىمنان سەگىز كەلىدەن استام سينتەتيكالىق ەسىرتكى تاركىلەندى. 2022 جىلدىڭ ءبىرىنشى توقسانىندا ىشكى ىستەر ورگاندارى بارلىعى 695 ەسىرتكى قىلمىسىن, ونىڭ ىشىندە اسا ءىرى كولەمدە ەسىرتكى زاتتارىن ساقتاۋدىڭ 133 دەرەگى, كونتراباندانىڭ 30 دەرەگى, پريتون ۇستاۋدىڭ بەس دەرەگى انىقتالدى. زاڭسىز اينالىمنان تونناعا جۋىق ەسىرتكى تاركىلەندى. ونىڭ ىشىندە 900 گرامعا جۋىق گەروين, 42 كەلىدەن استام سينتەتيكالىق ەسىرتكى», دەلىنگەن حابارلمادا.
