«قاڭتاردىڭ قايعىلى كۇندەرىندە شەكارا اكادەمياسىنىڭ كۋرسانتتارى الماتى قالاسى اكىمدىگىنىڭ جانە باسقا دا ستراتەگيالىق وبەكتىلەردىڭ قورعانىسىنا قاتىستى. الماتىدا بەس شەكاراشى قازا تاپتى. ولاردىڭ ىشىندە مەيىرحان ءبىتىم, ءادىلحان جايىق جانە داۋلەت جۇپاربەكوۆ تە بار. مەيىرحان مەن داۋلەت نەبارى 19 جاستا بولعان, جايىق 22 جاستا ەدى. قر پرەزيدەنتىنىڭ جارلىعىمەن ولار ءۇشىنشى دارەجەلى «ايبىن» وردەنىمەن ماراپاتتالدى», دەدى دەپۋتات يۋليا كۋچينسكايا ءماجىلىس وتىرىسىندا.
ونىڭ ايتۋىنشا, زاڭ بويىنشا ولارعا 500 اەك (شامامەن 1,5 تەڭگە) مولشەرىندە بىرجولعى اقشالاي وتەماقى بەرىلەدى.
سونداي-اق دەپۋتات كۋچينسكايا پرەمەر-ءمينيستردىڭ ورىنباسارىنان قازا تاپقان كۋرسانتتاردىڭ وتباسىنا پاتەر بەرۋ تۋرالى ۇسىنىس ايتىلعانىن جانە ول ماسەلە بۇگىندە قالاي شەشىلىپ جاتقانىن سۇرادى.
ەرالى توعجانوۆ بۇل ماسەلەنىڭ ۇكىمەتتىڭ ەرەكشە باقىلاۋىندا ەكەنىن ايتتى.
