«الەۋمەتتىك سالاداعى وزەكتى ماسەلەلەردىڭ ءبىرى از قامتىلعان وتباسىلاردى قولداۋ. ءبىز ەڭ تومەنگى كۇنكورىس دەڭگەيى كەدەيلىك شەگىنەن تومەن وتباسىلارعا اتاۋلى الەۋمەتتىك كومەك كورسەتەمىز. بۇگىندە مۇنداي كومەكتى 95 مىڭ وتباسى الىپ وتىر», دەدى ەرالى توعجانوۆ.
2020 جىلى ازاماتتاردىڭ تىلەكتەرىن ەسكەرە وتىرىپ, اتاۋلى كومەك تاعايىنداۋ تەتىگى وزگەرتىلىپ, كىرىستەر مەن الەۋمەتتىك تولەمدەردىڭ 25 ءتۇرى الىنىپ تاستالعانى دا ايتىلدى. كومەك الۋشىلاردى ەڭبەككە ىنتالاندىرۋ تاسىلدەرى ەنگىزىلدى. ەگەر ەڭبەككە قابىلەتتى ازاماتتار ۇسىنىلعان جۇمىستان باس تارتسا, اتاۋلى كومەك 6 ايعا توقتاتىلادى.
«بۇل اتاۋلى الەۋمەتتىك كومەكتى ماسىلدىق كومەككە اينالدىرۋدىڭ الدىن الۋعا باعىتتالعان. سوندىقتان اتاۋلى الەۋمەتتىك كومەكتى باسقا جاردەماقىمەن سالىستىرۋعا بولمايدى. اتاۋلى كومەك جان-جاقتى تەكسەرۋمەن, تابىسى كەدەيلىك شەگىنەن تومەن وتباسىلارعا عانا تاعايىندالاتىن مەملەكەتتىك قولداۋ», دەپ تولىقتىردى ەرالى توعجانوۆ.
