ايماقتار • 06 ءساۋىر، 2022

«كەلەشەك كەڭەيۋ» جوباسى جۇزەگە اسا باستادى

258 رەت كورسەتىلدى

مەملەكەتتىڭ باستى ساياساتىنىڭ ءبىرى – جۇمىسسىزدىقتى ازايتىپ، اسىرەسە حالىقارالىق جوبالارعا جەرگىلىكتى تۇرعىنداردىڭ كوبىرەك ورنالاسۋىنا ىقپال ەتۋ. ويتكەنى بۇل – وزەكتى ماسەلە. سول سەبەپتەن جىلىوي اۋدانىندا ورنالاسقان «تەڭىز» كەن ورنىندا 2016 جىلى باستالعان «كەلەشەك كەڭەيۋ» جوباسىنا قازاقستاندىقتاردى جۇمىسقا ورنالاستىرۋعا باسىمدىق بەرىلگەن ەدى.

«تەڭىزشەۆرويل» ىسكە اسىرىپ جاتقان كەلەشەك كەڭەيۋ جانە ۇڭعى ەرنەۋىندەگى قىسىم­دى باسقارۋ جوباسىنىڭ جالپى قۇنى 45 ملرد دوللاردى قۇراپ وتىر. «تەڭىز» كەن ورنىن­دا 2023 جىلى ىسكە قوسى­لاتىن بۇل جوبالارعا 300-گە جۋىق وتاندىق كومپانيا مەردىگەرلىككە تارتىل­دى. ج­و­با­عا قاجەتتى 408 ءمودۋل­دى جەت­كىزۋ ۇشجىلدىق باعدار­لا­ماسى اياسىندا اياقتالدى. ارقايسىسىنىڭ سالماعى 500-دەن 1 800 تونناعا جەتەتىن مودۋلدەر قازاقستاندا، وڭ­تۇس­­تىك كورەيا مەن يتاليا­دا قۇراستىرىلىپ، رەسەيدىڭ ىشكى سۋ جولىمەن كاسپي تەڭىزى جاعالاۋىنداعى پرور­ۆا تۇبەگىنە دەيىن تاسى­مال­داندى. وسىندا ارنايى سالىنعان تەرمينالعا جەت­كى­زىلگەن مودۋلدىك جۇكتىڭ جال­پى سالماعى 280 مىڭ مەت­ريكالىق توننا قۇراعان. جوباعا قاجەتتى مودۋلدىك جۇكتەردى تاسىمالداۋعا 120-عا جۋىق كەمە پايدالانىلدى. ونىڭ ىشىندە 40 كەمە جاڭادان قۇراستىرىلسا، كەيبىرى قايتا جاڭعىرتۋدان وتكىزىلىپتى. كاس­پي تەڭىزى ارقىلى تاسىمال­دى جۇزەگە اسىرۋ وتاندىق «قازمورترانسفلوت» كومپانياسىنا جۇكتەلدى.

«تەڭىز» كەن ورنىنداعى جوبا قۇرىلىسىنىڭ اياقتا­لار كەزەڭى جاقىنداپ كەلەدى. ماسەلەن، بيىلعى جىل باس­تال­عانعا دەيىن ەڭ ءىرى جو­با­نىڭ قۇرىلىس-مونتاج­داۋ جۇمىستارىنىڭ 80 پايىزدان استامى اياقتالدى. جو­با­عا 60 مىڭعا جۋىق ادام جۇمىسقا تارتىلدى. ونىڭ بەس مىڭى – شەتەلدىك. ال جوبا­داعى قازاقستاندىق جۇمىس­شىلاردىڭ 40 پايىزعا جۋى­عىن اتىراۋلىقتار قۇراپ وتىر.

وبلىس اكىمدىگى ءباسپاسوز قىز­مەتىنىڭ اقپاراتىنا قارا­عان­دا، «تەڭىزشەۆرويل» كومپانياسى «كەلەشەك كەڭەيۋ» جوباسىنداعى قۇرىلىس-مون­تاج­داۋ جۇمىستارىنىڭ باسىم بولىگىنىڭ اياقتالۋىنا بايلانىستى جىلدىڭ سوڭىنا دەيىن شامامەن 39 مىڭ ادامدى بوساتۋدى جوسپارلاپ وتىر. ونىڭ ىشىندە ەلىمىزدىڭ 37 مىڭ ازاماتى بار. جۇمىستان بوساتىلاتىن ادامداردىڭ شامامەن 40 پايىزىن اتىراۋ وبلىسىنىڭ تۇرعىندارى قۇراسا، وزگەلەرى – ەلىمىزدىڭ وزگە وڭىرلەرىندە تۇراتىن ازاماتتار.

بۇل ماسەلەنى وبلىس اكىمدى­گى تۇراقتى باقىلاۋىندا ۇستاپ وتىر. بىلتىردان بەرى جۇمىس­تان بوساتىلاتىن ادامداردى ەڭبەكپەن قامتۋعا قاتىستى ءتيىستى جۇمىستار قولعا الىندى. اتاپ ايتقاندا، وسى ماسە­لە­گە جاۋاپتى ورگاندارمەن – ەنبەك جانە حالىقتى الەۋ­مەت­تىك قورعاۋ، ەنەرگەتيكا مي­نيس­ترلىكتەرىمەن، سونداي-اق «تەڭىزشەۆرويل» جشس-نىڭ باسشىلىعىمەن اي سا­يىن كەزدەسۋ وتكىزىلەدى. جوبا جۇمىسىنان بوساتىلاتىن جۇ­­مىسشىلار تۋرالى اقپا­رات­­تار الماسىپ، جوسپارلار پى­سىقتالادى.

ماسەلەن، بىلتىرعى جىل­دىڭ سوڭىنا دەيىن جوبا جۇ­مىس­تارىنان 2 769 ادام بوسا­تىلعان. ونىڭ ىشىن­دە جەر­­گىلىكتى 1 228 تۇر­عىن بولعان. جۇمىستان بو­سا­تىل­­عانداردىڭ اراسىنان 785 اتىراۋلىق تۇراقتى جۇ­مىس­­قا ورنالاستىرىلعان. باسقا جوبالارعا 19 ادام اۋىستىرىلىپ، ەكەۋى وقۋعا جىبەرىلگەن. الەۋمەتتىك تو­لەم­دى 210 ادام الىپ وتىر. ال 212 ادام ءوز مۇمكىندىگىمەن باسقا جۇمىس تاپقان.

– بيىلعى ءبىرىنشى توقساندا 2 900-دەن استام ادام بوساتىلادى دەپ بولجانىپ وتىر. ونىڭ ىشىندە اتىراۋ وبلىسىنان 1 270 ادام بار. جۇ­مىس­تان بوساتىلاتىن ادام­داردى جۇمىسپەن قامتۋ جۇ­مىس­تارى پىسىقتالىپ جاتىر. اتىراۋ وبلىسىنىڭ اكىمدىگى ءوز تاراپىنان «ەڭبەك»، «جۇمىسپەن قامتۋدىڭ جول كارتاسى»، «ين­دۋس­تريا­لىق-يننو­ۆا­تسيا­لىق دامۋ»،­ «بيزنەستىڭ جول كارتاسى»، «وڭىرلىك دامۋ» جانە وزگە دە مەملەكەتتىك باع­­­دار­لامالاردى ىسكە اسىرۋ شەڭ­بە­رىندە جىل سايىن 12 مىڭعا جۋىق ادامدى جۇ­مىس­پەن قام­تيدى. سونداي-اق وبلىستا بيىل جانە كەلەسى جىلى ىسكە اسىرىلاتىن ءىرى ينۆەس­تي­تسيا­لىق جوبالار اياسىندا 9 مىڭعا جۋىق ادامدى جۇ­مىس­پەن قامتۋ كوزدەلىپ وتىر، – دەپ ءمالىم ەتتى اكىم­دىك­تىڭ ءباسپاسوز قىزمەتى.

ارينە، حالىقارالىق جوبا قۇرىلىسىنان 37 مىڭ ادام­نىڭ بوساتىلاتىنى ءاتۇستى قا­راي­تىن جەڭىل ماسەلە ەمەس. ويتكەنى جۇمىستان بو­ساتىل­عاندارعا تۇراقتى كا­سىپ تاۋىپ بەرە قويۋ دا وڭاي شە­شى­مىن تابا قويمايدى. وسى ورايدا سالماق جەرگىلىكتى اكىم­دىكتەرگە تۇسەتىنى داۋسىز. سول سەبەپتەن، جاقىندا بۇل ماسەلە وبلىس اكىمى ماحام­بەت دوسمۇحامبەتوۆتىڭ تورا­عا­لىعىمەن وتكەن جيىندا تاعى پىسىقتالدى. الەۋمەتتىك ارىپ­تەستىك پەن الەۋمەتتىك جانە ەڭبەك قاتىناستارىن رەت­تەۋ جونىندەگى وبلىستىق ۇشجاق­تى كوميسسيا وتىرى­سىن­دا «تەڭىزشەۆرويل» جشس-نىڭ مەردىگەر كومپانيا­لا­رىنان بوساتىلاتىن جۇمىس­شى­لار­دى جۇمىسقا ورنالاستىرۋ، سونداي-اق ەڭبەك ۇجىم­دا­رى اراسىنداعى ەڭبەك داۋ­لارىن بولدىرماۋ مەن ەڭ­بەك قاتىناستارىنىڭ جاع­دا­­يى جونىندەگى ماسەلەلەر قارالدى. «تەڭىزشەۆرويل» جشس-نىڭ ۇكىمەتپەن جانە جۇرت­شىلىقپەن بايلانىس ءبولىمىنىڭ باس مەنەدجەرى ريزابەك ارتىعاليەۆتىڭ ايتۋىنشا، «كەلەشەك كەڭەيۋ» جوباسىنىڭ اياقتالۋىنا بايلانىستى جىل سوڭىنا دەيىن بوساتىلاتىن جۇمىسشىلاردىڭ 7 مىڭنان استامىن وزگە جوبا­لارعا جۇمىسقا الۋدى قاراس­تى­رىپ وتىر.

– «كەلەشەك كەڭەيۋ» جوباسىنان جىل سوڭىنا دەيىن بوساتىلاتىن جۇمىسشىلاردىڭ، باسقا جۇمىسقا اۋىستى­رى­لا­تىن­داردىڭ ءتىزىمىن اكىمدىككە ۋاقتىلى ۇسىنىلۋى كەرەك. جوبادان بوساتىلاتىن جۇ­مىس­­شىلاردىڭ اتى-ءجونى، قۇ­جا­تى، ماماندىعى، مەكەن-جايى، بايلانىس ءنومىرى كور­سەتىلگەن ءتىزىمىن ءبىر اي بۇرىن، ال ناقتى بوساتىلعان جۇ­مىس­شىلاردىڭ ءتىزىمىن ءار ايدىڭ باسىندا بەرگەن ءجون. الدا­عى ايلاردا بوساتىلاتىن جۇمىس­شى­لاردى مەردىگەرلىك مەكەمەلەرگە جۇمىسقا ورنالاسۋىنا ىقپال ەتۋدىڭ ناقتى جوس­پارىن جاساقتاپ، جەرگىلىكتى تۇرعىندارعا باسىمدىق بەرۋ جاعىن ويلاستىرۋ قاجەت. مەر­دى­گەر، قوسالقى مەردىگەر كوم­پا­نيالاردا جالاقى تولە­مەۋ­گە جول بەرمەۋدى، زاڭ بۇ­زۋ­شى­لىق­تاردى بولدىر­ماۋ­دى قاتاڭ باقىلاۋدا ۇستاپ، ج­ۇ­مىسشىلار اراسىن­دا نارازىلىق تۋدىرماۋ ءۇشىن ناقتى ءىس-شارالار قول­عا الىن­ۋعا ءتيىس، – دەيدى م.دوسمۇحامبەتوۆ.

 

اتىراۋ وبلىسى

سوڭعى جاڭالىقتار

دوللار ارزاندادى

قارجى • بۇگىن، 15:58

ۇقساس جاڭالىقتار