ونىڭ ايتۋىنشا, ناۋرىز ايىندا ىسكەرلىك بەلسەندىلىك گەوساياسي جاعدايدىڭ كۇرت وزگەرۋىنە جانە ەكونوميكانىڭ ودان ءارى دامۋىنا قاتىستى بەلگىسىزدىكتىڭ جوعارى دەڭگەيىنە قىسىم كورسەتتى.
«ناۋرىزدا ىسكەرلىك بەلسەندىلىك يندەكسى تومەندەپ, 48,3 قۇرادى (اقپاندا - 50,6). ىسكەرلىك بەلسەندىلىكتىڭ تومەندەۋىنە ونەركاسىپ جانە قىزمەت كورسەتۋ سەكتورلارى بويىنشا سۋبيندەكستەردىڭ تيىسىنشە 48,2 جانە 48,4-كە دەيىن تومەندەۋى اسەر ەتتى (اقپاندا - 51,4 جانە 50,6). سونىمەن قاتار, قۇرىلىستا يندەكس ءمانى 47,1-گە دەيىن ءوستى (اقپاندا - 46,0)», دەدى رۇستەم ورازالين.
وڭىرلەردە يدا ەڭ تومەن ءمانى سولتۇستىك قازاقستان وبلىسىندا (40,0), ەڭ جوعارى ءمانى تۇركىستان (55,4) جانە ماڭعىستاۋ (54,2) وبلىستارىندا تىركەلگەن.
2022 جىلعى ناۋرىزدا كاسىپورىنداردىڭ باعالاۋى بويىنشا بيزنەستى جۇرگىزۋدىڭ اعىمداعى شارتتارى ناشارلادى: وڭ جانە تەرىس جاۋاپتار اراسىنداعى تەڭگەرىم (-) 9,3 (اقپاندا - (-)2,4) قۇرادى, بارلىق سەكتورلاردا ناشارلاۋ بايقالدى. بيزنەس-شارتتاردى باعالاۋدىڭ بارلىق فاكتورلارى بويىنشا تەرىس جاۋاپتار باسىم بولدى.
سالىق جۇكتەمەسىن باعالاۋ اقپان ايىندا (-) 5,5-تەن ناۋرىز ايىندا ( - ) 3,4-كە دەيىن جاقساردى, بىراق ءالى دە تەرىس بولىپ وتىر. سۇرانىس ءىس جۇزىندە وزگەرگەن جوق (-3,8). رەسپوندەنتتەردىڭ باعالاۋى بويىنشا قالعان فاكتورلار (كوممۋنيكاتسيالارعا قول جەتكىزۋ, قارجى/نەسيەگە قول جەتكىزۋ جانە بيزنەستى قورعاۋ ماسەلەلەرى) ءبىرشاما ناشارلادى.
سونداي-اق الداعى 6 ايعا كاسىپورىنداردىڭ بولاشاق بيزنەس-شارتتارعا قاتىستى سەنىمدىلىگىنىڭ تومەندەۋى بايقالدى: بولاشاق شارتتاردى باعالاۋ 2021 جىلعى قاڭتاردان باستاپ العاش رەت تەرىس بولىپ, (-) 5,2 (اقپاندا - 21,5) قۇرادى.
ناتيجەسىندە اعىمداعى جانە بولاشاق بيزنەس-جاعدايلاردىڭ ورتاشا باعاسىن بىلدىرەتىن بيزنەس-كليمات يندەكسى تۇتاستاي العاندا ەكونوميكا بويىنشا ايتارلىقتاي ناشارلاپ, (- ) 7,2 (اقپاندا - 11,4) قۇرادى.
2022 جىلعى ناۋرىزدا ساۋالناماعا 465 كاسىپورىن قاتىستى: قۇرىلىستا – 71, ونەركاسىپتە – 177, قىزمەتتەردە – 217.
