اعىمداعى جىلدىڭ باسىنان بەرى كولىك قۇرالىن ماس كۇيىندە جۇرگىزگەن 430 جۇرگىزۋشى ۇستالدى.
2020 جىلدىڭ قاڭتارىنان باستاپ جازالاۋ شاراسى قاتاڭداتىلعانىنا قاراماستان, وتكەن جىلدىڭ ۇقساس كەزەڭىمەن سالىستىرعاندا زاڭ بۇزۋشىلىقتاردىڭ سانى وسكەنى بايقالادى. وتكەن جىلى وسىنداي كەزەڭدە 418 ماس جۇرگىزۋشى ۇستالدى.
2022 جىلى ماس جۇرگىزۋشىلەردىڭ كەسىرىنەن 62 جول-كولىك وقيعاسى ورىن الدى.
ۇستالعان ادامدار اكىمشىلىك سوتتىڭ شەشىمىمەن ون بەس تاۋلىكتەن جيىرما تاۋلىككە دەيىن اكىمشىلىك قاماۋعا نەمەسە جەتى جىل مەرزىمگە كولىك قۇرالىن جۇرگىزۋ قۇقىعىنان ايىرۋ تۇرىندە اكىمشىلىك جاۋاپكەرشىلىككە تارتىلدى.
سونىمەن قاتار 16 جۇرگىزۋشى جاقىن شەتەل ازاماتتارى ەكەنى انىقتالدى. ولار قازاقستان رەسپۋبليكاسى زاڭىنىڭ نورمالارىنا سايكەس اكىمشىلىك جاۋاپكەرشىلىككە تارتىلعان جانە قازىرگى ۋاقىتتا ەلدەن شىعارۋ ماسەلەسى قارالۋدا.
