جاماۋباەۆ 2022 جىلعا ارنالعان رەسپۋبليكالىق بيۋدجەتتى ناقتىلاۋ تۋرالى زاڭ جوباسىن ۇسىندى.
مەملەكەت باسشىسىنىڭ تاپسىرمالارى, باعدارلامالىق قۇجاتتاردىڭ ءىس-شارالارى, ماكروەكونوميكالىق كورسەتكىشتەردىڭ وزگەرۋىنە بايلانىستى شىعىستار, سونداي-اق بۇرىن قابىلدانعان شۇعىل مىندەتتەمەلەردى ىسكە اسىرۋعا ارنالعان قوسىمشا قاراجات ەسكەرىلدى.
اتالعان باعىتتار بويىنشا بيۋدجەت شىعىستارى 2,7 ترلن تەڭگەگە ۇلعايتىلدى.
بيۋدجەت شىعىستارىن ۇلعايتۋ كوزدەرى مىنالار بولىپ تابىلادى:
- بيۋدجەتتىڭ ءوز كىرىستەرى - 1,1 ترلن تەڭگە;
- ۇلتتىق قوردان كەپىلدەندىرىلگەن ترانسفەرتتى ۇلعايتۋ - 1,6 ترلن تەڭگە.
«پرەزيدەنتتىڭ تاپسىرمالارىن ىسكە اسىرۋعا قوسىمشا 1,8 ترلن تەڭگە باعىتتالاتىن بولادى. اتاپ ايتقاندا, جالپى شىعىنى 197 ملرد تەڭگە بولاتىن حالىقتىڭ تابىسىن ارتتىرۋ جونىندەگى ءىس-شارالاردى ىسكە اسىرۋ. وسى قاراجات شەڭبەرىندە جاستاردى قولداۋ, ءوز بيزنەسىن اشۋ ءۇشىن ميكروكرەديتتەر بەرۋ, جالعا الىنعان تۇرعىن ءۇي ءۇشىن تولەمنىڭ ءبىر بولىگىن سۋبسيديالاۋ جانە حالىقتىڭ ناقتى تابىسىن ارتتىرۋعا باعىتتالعان باسقا دا ماڭىزدى ءىس-شارالار قامتاماسىز ەتىلەدى. ازىق-ت ۇلىك قاۋىپسىزدىگىن قامتاماسىز ەتۋ جوسپارى شەڭبەرىندەگى ءىس-شارالارعا - 238 ملرد تەڭگە. قوسىمشا قاراجات اگروونەركاسىپتىك كەشەندى سۋبسيديالاۋعا, كوكتەمگى ەگىس جانە ەگىن جيناۋ جۇمىستارىنا جەڭىلدىكپەن نەسيە بەرۋ كولەمىن ۇلعايتۋعا جانە اۋىل شارۋاشىلىعىنداعى باسقا دا ماسەلەلەردى شەشۋگە باعىتتالاتىن بولادى», دەدى ەرۇلان جاماۋباەۆ.
سونىمەن قاتار وڭىرلەردى دامىتۋعا دا 476 ملرد تەڭگە باعىتتاۋ جوسپارلانعان. بۇل شىعىنداردىڭ نەگىزگى بولىگى 271 ملرد تەڭگە نەمەسە 57% باتىس جانە وڭتۇستىك وڭىرلەردى دامىتۋعا باعىتتالعان.
تۇتاستاي العاندا, وڭىرلەرگە رەسپۋبليكالىق بيۋدجەتتەن 5,5 ترلن-نان استام تەڭگە نەمەسە جالپى شىعىستاردىڭ 29,3%-ى باعىتتالاتىن بولادى.
«قوسىمشا قاراجات شەڭبەرىندە ينفلياتسيا بويىنشا ءدالىزدىڭ وزگەرۋىنە بايلانىستى الەۋمەتتىك تولەمدەردى يندەكستەۋگە ارنالعان شىعىستار كوزدەلگەن. بۇل 110 ملرد تەڭگەدەن اسادى», دەپ قوستى ەرۇلان جاماۋباەۆ.
