رەسپۋبليكا بويىنشا تۇمان, كوكتايعاق, جەلدىڭ كۇشەيۋى, وڭتۇستىك-باتىستا شاڭدى داۋىل بولجانادى.
تۇركىستان وبلىسىنىڭ تاۋلى ايماقتارىندا كۇننىڭ ەكىنشى جارتىسىندا نايزاعاي كۇتىلەدى. كۇندىز ءوڭىردىڭ سولتۇستىگىندە, تاۋلى اۋداندارىندا جەل 15-20 م/س قۇرايدى, سولتۇستىگىندە شاڭدى داۋىل كوتەرىلەدى.
ماڭعىستاۋ وبلىسىنىڭ وڭتۇستىگىندە, كۇندىز قىزىلوردا وبلىسىنىڭ ورتالىعىندا جەل 15-20 م/س ارتىپ, شاڭدى داۋىل تۇرادى.
قوستاناي وبلىسىنىڭ شىعىسىندا تۇمان كۇتىلەدى, جەلدىڭ ەكپىنى 23-28 م/س دەيىن كۇشەيەدى.
تۇندە اقمولا, سولتۇستىك قازاقستان وبلىستارىنىڭ باتىسىندا, سولتۇستىگىندە, كۇندىز باسىم بولىگىندە جەلدىڭ كۇشى 25 م/س جەتەدى.
الماتى وبلىسىنىڭ الاكول كولدەرى اۋدانىندا, كۇندىز جامبىل وبلىسىنىڭ تاۋلى اۋداندارىندا, قاراعاندى وبلىسىنىڭ باتىسى مەن سولتۇستىگىندە جەل 15-20 م/س كۇشەيەدى.
باتىس قازاقستان وبلىسىنىڭ شىعىسىندا تۇمان بولادى, تۇندە ءوڭىردىڭ سولتۇستىك-باتىسىندا جەل 15-20 م/س ارتادى.
پاۆلودار وبلىسىنىڭ وڭتۇستىگىندە تۇمان بولجانادى.
تۇندە جانە تاڭەرتەڭ اتىراۋ وبلىسىنىڭ سولتۇستىگىندە جەلدىڭ كۇشى 15-20 م/س قۇرايدى.
