وسىعان دەيىن رەسەي ساربازدارى ۋكراينانىڭ سولتۇستىك بولىگىنەن جاپپاي كەتىپ جاتقانىن مالىمدەگەن بولاتىنبىز. وقيعا ورنىندا جۇرگەن شەتەلدىك باق قالالار مەن ەلدى مەكەندەردىڭ قازىرگى احۋالىن كورسەتىپ, جەرگىلىكتى حالىقپەن تىلدەسىپ, قيىن جاعدايىن جەتكىزىپ جاتىر. بۇل وقيعادان كەيىن باتىس ەلدەرى رەسەيگە تاعى سانكتسيا سالۋدى ويلاستىرىپ جاتىر. فرانتسيا پرەزيدەنتى ەممانۋەل ماكرون رەسەيدىڭ كومىر مەن مۇناي ەكسپورتىنا قارسى سانكتسيا سالۋعا شاقىردى. ول فرانتسۋز باق-تارىنا «اسكەري قىلمىستىڭ ايقىن بەلگىلەرى بار» دەپ مالىمدەگەن. گەرمانيانىڭ قورعانىس ءمينيسترى كريستين لامبرەحت وسىعان دەيىن ق ۇلىقسىز بولىپ كەلگەن ەۋروپالىق وداق ەندى رەسەي گازىن يمپورتتاۋعا تىيىم سالۋ تۋرالى ماسەلەنى تالقىلاۋى كەرەك دەدى. باتىس باسشىلارى وسى سەكىلدى مالىمدەمەلەر جاساپ, جاڭا سانكتسيالار سالىنۋى مۇمكىن ەكەنىن ەسكەرتىپ جاتىر.
ال كرەمل حالىقارالىق باسشىلاردان بۋچاداعى جاعداي تۋرالى جالعان ايىپتاۋلارعا اسىقپاۋدى جانە ءارتۇرلى دەرەككوزدەردەن مالىمەت سۇراۋدى تالاپ ەتتى. رەسەي بۇل ايىپتاۋلاردى ءۇزىلدى-كەسىلدى قابىلدامايتىنىن جەتكىزدى.
«جاعداي, ارينە, وتە ماڭىزدى. سوندىقتان ءبىز حالىقارالىق كوشباسشىلاردىڭ مالىمدەمەلەر جاساۋعا, جالعان ايىپتاۋلارعا اسىقپاۋىن جانە اقپاراتتى ءارتۇرلى دەرەككوزدەردەن سۇراۋىن, كەم دەگەندە, ءبىزدىڭ دالەلىمىزدى تىڭداۋىن تالاپ ەتەمىز», دەدى رەسەي پرەزيدەنتىنىڭ ءباسپاسوز حاتشىسى دميتري پەسكوۆ. ونىڭ ايتۋىنشا, مۇنداي ماڭىزدى ماسەلە جوعارى دەڭگەيدە تالقىلانۋى كەرەك.
ء«بىز كەز كەلگەن ايىپتاۋدى ءۇزىلدى-كەسىلدى قابىلدامايمىز. ونىڭ ۇستىنە بۇل تاقىرىپ بارىنشا جوعارى دەڭگەيدە تالقىلانۋى ءتيىس دەپ ەسەپتەيمىز. سوندىقتان ماسكەۋ قاۋىپسىزدىك كەڭەسىندە وسى تاقىرىپتى قاراستىرۋ باستاماسىن كوتەردى. الايدا باستاما قولداۋ تاپپاعانىن بىلەمىز. ءبىزدىڭ ديپلوماتتار بۇل ماسەلەنى قاۋىپسىزدىك كەڭەسىنىڭ كۇن تارتىبىنە شىعارۋ ءۇشىن بەلسەندى جۇمىس ىستەۋدى جالعاستىرادى. تاقىرىپ وتە ماڭىزدى», دەدى د.پەسكوۆ.
رەسەيدىڭ قورعانىس مينيسترلىگى دە كيەۆ رەجىمىنىڭ بۋچا ەلدى مەكەنىندەگى بەيبىت تۇرعىنداردى ءولتىردى دەگەن ايىپتارىن جوققا شىعارىپ, رەسەيدىڭ قارۋلى كۇشتەرى بۋچۋدان 30 ناۋرىزدا تولىعىمەن كەتتى دەپ مالىمدەگەن.
بۇۇ باس حاتشىسى انتونيۋ گۋتەرريش بۋچاداعى وقيعالارعا تاۋەلسىز تەرگەۋ جۇرگىزىپ, كىنالىلەردى جاۋاپقا تارتۋ كەرەگىن ايتتى.
بۇۇ ادام قۇقىقتارى جونىندەگى باسقارماسى ۋكراينادا سوعىس باستالعاننان بەرى 3455 بەيبىت تۇرعىن زارداپ شەككەنىن حابارلادى. ونىڭ ىشىندە 1400-دەن استام ادام قازا بولىپ, 2000-نان استامى جاراقات العان. بۇۇ ناقتى ساندار الدەقايدا كوپ بولۋى مۇمكىن دەيدى.
رەسەي ەلدىڭ سولتۇستىگىنەن اسكەرىن شىعارعانىمەن, دۇيسەنبى كۇنى تاڭەرتەڭ ودەسسا مەن حەرسوندى نىساناعا الىپ, وڭتۇستىك ۋكرايناعا شابۋىلدارىن قايتا باستاعانعا ۇقسايدى. ماريۋپولدە دە شابۋىل جالعاسقان.
ۋكراينانىڭ ۆيتسە-پرەمەر-ءمينيسترى يرينا ۆەرەششۋك ماريۋپول پورتىنداعى جانە جاقىن لۋگانسك وبلىسىنداعى قاقتىعىس ايماقتارىنان 2964 ادامنىڭ ەۆاكۋاتسيالانعانىن حابارلادى. قىزىل كرەست ۇيىمى جۇما كۇنى گۋمانيتارلىق كومەكتى جەتكىزۋ ءۇشىن ماريۋپولگە كىرۋگە بىرنەشە رەت ارەكەت جاساعان. ي.ۆەرەششۋك قىزىل كرەست اۆتوبۋستارىن قالاعا كىرگىزۋ ءۇشىن رەسەيمەن كەلىسسوز جالعاسىپ جاتقانىن ايتتى. بەيسەنبىدە ول سوڭعى اپتالاردا ماريۋپولدەن شامامەن 75 مىڭ ادام ەۆاكۋاتسيالانعانىن حابارلاعان-دى.
اقش بۇۇ باس اسسامبلەياسىنان رەسەيدى ادام قۇقىقتارى جونىندەگى كەڭەستەن شەتتەتۋدى سۇرادى. بۇل تۋرالى اقش-تىڭ بۇۇ-داعى ەلشىسى ليندا توماس-گرينفيلد مالىمدەدى. نيۋ-يوركتەگى 193 مۇشەدەن تۇراتىن اسسامبلەيانىڭ ۇشتەن ەكىسى داۋىس بەرگەن جاعدايدا ادام قۇقىقتارىن بۇزعان مەملەكەتتىڭ مۇشەلىگىن توقتاتا الادى.
ۋكراينا پرەزيدەنتى ۆولوديمير زەلەنسكي گرەممي سىيلىعىندا بەينەۇندەۋ جاساپ, «ۇنسىزدىكتى مۋزىكامەن تولتىرۋعا» جانە كورەرمەندەردى الەۋمەتتىك جەلىلەر جانە تەلەديداردا «سوعىس تۋرالى شىندىقتى ايتۋعا» شاقىردى.
بۇل وقيعالاردان كەيىن ەكى ەل اراسىنداعى كەلىسسوز قالاي ءوربيتىنى بەلگىسىز. ازىرگە كەلەسى كەزدەسۋ تۋرالى اقپارات جوق.
