«اكىمدىك اپتا سايىن تۇراقتى تۇردە ازاماتتاردى قابىلداپ تۇرادى. اۋداندارىمىز بەن ەلدى مەكەندەرىمىزدى ارالاپ, تۇرعىندارمەن كەزدەسەمىز. وسىعان دەيىن ايتقانىمداي, قالا تۇرعىندارىنان كەلىپ تۇسەتىن نەگىزگى سۇراقتاردىڭ ءبىرى – تۇرعىن ءۇي ماسەلەسى. مەملەكەت باسشىسىنىڭ تاپسىرماسىنا سايكەس الەۋمەتتىك پاتەرلەردى سالۋ كولەمى ەداۋىر ارتتى. تۇرعىن ءۇي باعدارلامالارىنا قاتىسۋشىلار ساناتى كەڭەيتىلدى, جاستارعا ارنالعان ارنايى تۇرعىن ءۇي دەپ باعدارلاماسى ەنگىزىلدى, تۇرعىن ءۇي سەرتيفيكاتىنىڭ سوماسى ۇلعايدى جانە تاعى باسقالارى بار», دەپ جازدى ەلوردا اكىمى ءوزىنىڭ Instagram پاراقشاسىندا.
سونىمەن قاتار, ەلوردا باسشىسى جوعارى ءبىلىم الۋ قولجەتىمدىلىگى ەرەكشە نازارعا الىنعان ماسەلەلەردىڭ ءبىرى ەكەنىنە توقتالدى.
«الدا كەلە جاتقان جاڭا وقۋ جىلىندا پەداگوگيكالىق جانە مەديتسينالىق ماماندىقتار بويىنشا جوعارى ءبىلىم الۋعا جالپى سانى 1300 گرانت ءبولۋدى جوسپارلاپ وتىرمىز. ال وقۋىن تامامداعاننان كەيىن ولاردى جۇمىسقا ورنالاستىرۋ ماسەلەسىمەن اينالىسامىز. وزدەرىڭىز بىلەتىندەي, مەملەكەت باسشىسى ۇستازدار مەن مەديتسينا قىزمەتكەرلەرىنە جاعداي جاساۋعا جانە ولارعا قولداۋ كورسەتۋگە ەرەكشە كوڭىل بولەدى: جالاقى مولشەرى ارتىپ كەلەدى, بىلىكتىلىكتى ارتتىرۋ باعدارلامالارى ەنگىزىلىپ جاتىر, مەديتسينالىق جانە ءبىلىم بەرۋ ورتالىقتارىنىڭ جەلىسى كەڭەيۋدە», دەپ تولىقتىردى التاي كولگىنوۆ.
