«قوعامدىق كەڭەستەر جۇمىسىنىڭ جاريالىلىعىن ارتتىرۋ ماقساتىندا ولاردىڭ قىزمەتىنىڭ قورىتىندىلارىن بۇقارالىق اقپارات قۇرالدارىندا جانە الەۋمەتتىك جەلىلەردە كەڭىنەن جاريا ەتۋ جونىندە شارالار قابىلدانۋدا. مينيسترلىك قوعامدىق كەڭەستەردىڭ قىزمەتىن جاريا ەتۋ جونىندەگى 2022 جىلعا ارنالعان مەدياجوسپاردى بەكىتتى, وندا ناقتى ورىنداۋشىلارى مەن مەرزىمدەرى كورسەتىلگەن ءىس-شارالار كوزدەلگەن. بۇدان باسقا, مينيسترلىك قوعامدىق كەڭەستەردىڭ الەۋەتىن ارتتىرۋ جونىندەگى جۇمىستى جالعاستىرۋدا», دەپ اتاپ وتەدى ۆەدومستۆو باسشىسى.
ماسەلەن, ءمينيستردىڭ دەرەگىنشە, ناۋرىزدا ورتالىق مەملەكەتتىك ورگانداردىڭ, جەرگىلىكتى وكىلدى ورگانداردىڭ جانە كۆازيمەملەكەتتىك سەكتور سۋبەكتىلەرىنىڭ قاتىسۋىمەن قۇرىلعان قوعامدىق كەڭەستەر مۇشەلەرىن تارتا وتىرىپ, 3 سەمينار-ترەنينگ وتكىزىلدى.
«قوعامدىق كەڭەستەر ينستيتۋتىن دامىتۋ» گرانتتىق قارجىلاندىرۋ جوباسى اياسىندا ءارتۇرلى دەڭگەيدەگى قوعامدىق كەڭەستەر ءۇشىن 6 وڭىرلىك وقىتۋ سەمينارى ۇيىمداستىرىلدى.
«وڭ پراكتيكا مەن تاجىريبە الماسۋ ماقساتىندا رەسپۋبليكانىڭ قوعامدىق كەڭەستەرىنىڭ مۇشەلەرى X ازاماتتىق فورۋم اياسىندا ۇيىمداستىرىلعان «قازاقستان رەسپۋبليكاسىنىڭ قوعامدىق كەڭەستەرى: تاجىريبە مەن پەرسپەكتيۆالار» تاقىرىبىندا ساراپتامالىق تالقىلاۋعا بەلسەنە قاتىستى. بۇدان باسقا, 2022 جىلعى 17 ناۋرىزدا قازاقستانداعى قۇقىق ۇستەمدىگى باستاماسى (USAID كومەگىمەن) زاڭگەرلەر قاۋىمداستىعىمەن بىرلەسە وتىرىپ, تاجىريبە الماسۋ, ستراتەگيالىق جوسپارلاۋ جانە قوعامدىق كەڭەستەردىڭ قىزمەتىن جەتىلدىرۋ بويىنشا ينتەراكتيۆتى سەسسيالاردى ەنگىزە وتىرىپ, قوعامدىق كەڭەستەر مۇشەلەرىنىڭ الەۋەتىن كۇشەيتۋ بويىنشا ترەنينگ وتكىزىلدى», دەدى اسقار ۋماروۆ.
