«الەمدەگى قارجىلىق نارىقتار ناۋرىز ايىندا گەوساياسي احۋالدىڭ ۋشىعا تۇسۋىنە بايلانىستى قۇبىلمالى كۇيدە بولدى. سىرتقى قىسىمداردىڭ ەل ەكونوميكاسىنا ىقپالىن ازايتۋ ءۇشىن جانە ىشكى ۆاليۋتا نارىعىندا تەڭگەرىم ساقتاۋ ءۇشىن ناۋرىز ايىنىڭ ورتاسىندا ۇلتتىق بانك بىرنەشە رەت ۆاليۋتا ينتەرنۆەنتسياسىن جاسادى. اي سوڭىنداعى قورىتىندى بويىنشا ينتەرۆەتسنيالاردىڭ كولەمى 990,5 ملن اقش دوللارىنا تەڭ بولعان. باسقاشا ايتساق, بيرجاداعى ساۋدا-ساتتىقتىڭ 29%-ى ينتەرۆەنتسيالىق شارالارعا تيەسىلى», دەپ جازادى ۇلتتىق بانكتىڭ رەسمي سايتى.
ال ۇلتتىق قوردان رەسپۋبليكالىق بيۋدجەتكە تۇسەتىن ترانسفەرتتەردى قامتاماسىز ەتۋ ءۇشىن 890,9 ملن دوللار ساتىلعان.
«ۇلتتىق بانكتەن جاسالعان ينتەرۆەنتسيالار مەن ۇلتتىق قوردان ۆاليۋتا ساتۋ ۇلەسى بيرجاداعى جالپى-ساۋدا ساتتىقتىڭ 55% پايىزىنا تەڭ بولدى. ۇلتتىق بانك بجزق جانە وزگە دە سەنىمگەرلىك باسقارۋداعى قورلاردىڭ اكتيۆتەرىنە شەتەل ۆاليۋتاسىن ساتۋ جانە ساتىپ الۋ وپەراتسيالارىن جۇرگىزگەن جوق. گەوساياسي شيەلەنىس قاتتى شيرىققان 15 ناۋرىزدا 1 اقش دوللارىنىڭ قۇنى 512,17 تەڭگە بولدى. بىراق, كەيىن ۇلتتىق ۆاليۋتا قايتا نىعايا باستادى. 31 ناۋرىزدا KASE بيرجا الاڭىنداعى ساۋدا-ساتتىقتىڭ قورىتىندىسى بويىنشا 1 دوللاردىڭ قۇنى 467,03 تەڭگە بولدى. ياعني, ناۋرىز ايىنىڭ باسىنان بەرى ول 5,7% نىعايعان. تەڭگە حالىقارالىق قارجى نارىعىنداعى تۇزەتۋلەر مەن سالىق تولەمدەرى تۇسەتىن كەزدىڭ ءدوپ كەلۋى اياسىندا نىعايىپ وتىر», دەپ جازادى ۇلتتىق بانك ماماندارى.
ۇلتتىق بانك ساراپشىلارىنىڭ پايىمىنشا, الەمدەگى گەوساياسي جاعداي تەڭگە باعامىنا قىسقا مەرىزىدىك سيپاتتا اسەر ەتەدى.
«سونىڭ وزىندە ۇلتتىق بانك تولىققاندى ينفلياتسيالىق تارگەتتەۋگە كوشە بەرەتىنىن اتاپ وتەمىز. ول ءۇشىن ەكونوميكادا جەڭىلدەتىلگەن مەملەكەتتىك نەسيەلەندىرۋ, ايىرباس باعامىن ەركىن اينالىمعا جىبەرۋ سياقتى قۇرىلىمدىق وزگەرىستەر قاجەت. ۇلتتىق بانكتىڭ قولىندا جاعىمسىز ستسەناريلەر ورىندالعان جاعدايدا ىشكى قارجى نارىعىندا تۇراقسىزدىق بولدىرماۋعا قاجەت قۇرالداردىڭ ءبارى بار جانە احۋالدى باقىلاپ وتىر», دەلىنگەن ۇلتتىق بانك مالىمەتىندە.
