جوعارعى سوت قاراعاندى تۇرعىنىنىڭ داۋلى پاتەرىن زاڭداستىرىپ بەردى

سۋديالاردىڭ قاشاندا ءبىلىمدى, بىلىكتى, ۇنەمى قارا قىلدى قاق جارا الاتىن  ادال دا ءادىل بولۋىن تالاپ ەتەتىن مەملەكەت باسشىسىنىڭ جىل سايىنعى جولداۋلارىنداعى مىندەتتەردى ورىنداۋ جولىنا قويعان جوعارعى سوتتىڭ  ازاماتتىق جانە اكىمشىلىك ىستەر جونىندەگى قاداعالاۋشى سوت القاسى شاحتينسك قالاسىنىڭ 73 جاستاعى تۇرعىنى ە.س. پەرۆاكتىڭ  تۇرعىن ۇيگە قۇقىعىن تانۋ تۋرالى ءوتىنىشىن قاناعاتتاندىردى. بۇل تۋرالى Egemen.kz حابارلادى. ماسەلە بىلاي بولعان ەدى. قاراعاندى وبلىسىنىڭ شاحتينسك قالاسىنىڭ اكىمى قاراعاندى وبلىسىنىڭ شاحتينسك قالالىق سوتىنا ك-گە جىلجىمايتىن م ۇلىككە مەنشىك قۇقىعىن توقتاتۋ  جانە ءۇيدى كوممۋنالدىق مەنشىككە بەرىلدى دەپ تانۋ تۋرالى تالاپ ارىزبەن جۇگىندى. ال ك. بولسا داۋلى پاتەردەن شىعارۋ تۋرالى ە.س. پەرۆاكقا قارسى تالاپ قويدى. ارتىنشا قاراعاندى وبلىسىنىڭ سوت ساتىلارى شاحتينسك قالاسى اكىمىنىڭ تالاپ ارىزىن قاناعاتتاندىرۋدان باس تارتتى, بىراق ك-ءنىڭ قارسى تالابى قاناعاتتاندىرىلدى. مۇنى ءوز كەزەگىندە قاراعان جوعارعى سوتتىڭ ازاماتتىق جانە اكىمشىلىك ىستەر جونىندەگى قاداعالاۋشى سوت القاسى بارلىق شىعارىلعان سوت اكتىلەرىنىڭ كۇشىن جويىپ, اكىمنىڭ تالاپ ارىزىن قاناعاتتاندىرۋ جانە ك-ءنىڭ قارسى تالابىنان باس تارتۋ تۋرالى جاڭا شەشىم شىعاردى. جوعارعى سوت 1992 جىلعى 10 شىلدەدەگى پاتەردى ساتۋ-ساتىپ الۋ تۋرالى شارتتىڭ نەگىزىندە داۋلى پاتەردىڭ يەسى ك. بولىپ تابىلاتىندىعىن بەلگىلەدى. 1997 جىلدان باستاپ قازىرگى ۋاقىتقا دەيىن داۋلى پاتەردە ە.س.پەرۆاك تۇرىپ, وسى م ۇلىكتى كۇتىپ ۇستاۋ بويىنشا اۋىرتپالىقتى كوتەرىپ كەلگەن.  ال 2007 جىلعى 2 مامىردا داۋلى پاتەرگە «يەسىز» ساناتى بويىنشا دەرەليكتسيا سالىنعان. بۇعان قوسا, 2013 جىلعى 4 مامىردا ءىس بويىنشا سوت شەشىم قابىلداعانعا دەيىن ءتورت كۇن بۇرىن پاتەردىڭ يەسى – ازامات ك-ءنىڭ جۇگىنۋىنە بايلانىستى داۋلى پاتەر «يەسىز» ساناتى بويىنشا ەسەپتەن الىنىپ تاستالعان. اكىمنىڭ تالاپ ارىزىن قاناعاتتاندىرۋدان باس تارتقان جەرگىلىكتى سوتتار ءوز تۇجىرىمدارىن سوت پاتەردى يەسىز جانە ونى كوممۋنالدىق مەنشىككە بەرۋ تۋرالى شەشىم شىعارعانعا دەيىن يەسى تابىلسا, ول  دەرەليكتسيانى الىپ تاستاۋعا جانە پاتەردى ءىس جۇزىندە يەلەنۋگە قۇقىلى ەكەنىمەن تۇسىندىرەدى. دەگەنمەن, قاداعالاۋشى سوت القاسى سوتتاردىڭ بۇل تۇجىرىمدارىن زاڭسىز ءارى نەگىزسىز دەپ تانىدى. «مەنشىك يەسىمەن تاستالعان تۇرعىن ۇيگە قۇقىق جونىندەگى داۋلاردى سوتتاردىڭ قاراۋ پراكتيكاسى تۋرالى» جوعارعى سوتتىڭ 2006 جىلعى 20 ساۋىردەگى № 3 نورماتيۆتىك قاۋلىسىنىڭ 6-تارماعىنا سايكەس, مەنشىك قۇقىعىن ساقتاۋ نيەتىن دالەلدەيتىن ارەكەت جاساماعان مەنشىك يەسى تاستاپ كەتكەن تۇرعىن ءۇي تاستالعان (نەمەسە قالدىرىپ كەتكەن) تۇرعىن ءۇي دەپ اتالادى. مۇنداي تۇرعىن ۇيلەرگە مەنشىك يەسىمەن قاراۋسىز قالدىرىلعان, ءۇيدى كۇتىپ ۇستاۋ جونىندەگى جانە تاعى دا باسقا مىندەتتەرىن ورىنداماي تاستالعان بوس تۇرعىن ۇيلەر جاتادى. ال ك. داۋلى پاتەردى ساتىپ العان ساتتەن باستاپ وندا تۇرماعان, م ۇلىكتى كۇتىپ ۇستاۋ بويىنشا ارەكەت جاساماعان, مۇنىڭ ناتيجەسىندە پاتەر جارتىلاي بۇزىلعان كۇيدە بولعان. ە.س. پەرۆاك شاحتينسك قالاسى اكىمىنىڭ كەلىسىمى بويىنشا داۋلى پاتەرگە كىرىپ, ونى جوندەگەن جانە وسى ۋاقىتقا دەيىن م ۇلىكتى كۇتىپ ۇستاۋ بويىنشا شىعىنداردى كوتەرىپ كەلەدى. كەرىسىنشە 20 جىل بويى ك. داۋلى پاتەرگە قۇقىعىن مالىمدەمەگەن, مۇنداي تالاپتاردى ول اكىم تالاپ ارىزدى بەرگەننەن كەيىن عانا ۇسىندى. مىنە, وسىنداي ناقتى دەرەكتەر بولعاسىن جوعارعى سوت ە.س. پەرۆاكتىڭ داۋلى پاتەردە زاڭدى تۇردە تۇرىپ جاتقاندىعىن جانە شىعارۋعا جاتپايتىندىعى تۋرالى نەگىزدى تۇجىرىمعا كەلگەن كورىنەدى. ءسويتىپ ە. پرەۆاكتىڭ تۇرعىن ۇيدە تۇرۋ قۇقىعى قورعالدى. الەكساندار تاسبولاتوۆ. دەرەككوز: Egemen.kz. فوتو: www. Newskaz.ru.