دەموكراتيا, ليبەراليزم, اشىق اقپارات كەڭىستىگى, بارلىق قۇجاتتاردى تالقىلاۋ, وبلىستاردىڭ جاندانۋى, سونى سيپاتتاعى جاڭا قازاقستاننىڭ باعىتى قۇپتارلىق. بۇل بۇگىنگى زاماندى عانا ەمەس, ەلىمىزدىڭ ەرتەڭىن ويلاۋدان تۋعان ۇمتىلىس دەپ ەسەپتەسەك, قاتەلەسپەس ەدىك. بۇل مىندەت بارشامىزعا زور جاۋاپكەرشىلىك جۇكتەيدى. ەل بولاشاعى قاشاندا جاستاردىڭ قانشالىقتى ءبىلىمدى, تاربيەلى بولۋىنا بايلانىستى. ءبىز وسى ورايدا ۇرپاق ۇلاعاتىنا, ءتالىمى مەن تاربيەسىنە, ءبىلىمى مەن بىلىگىنە ايرىقشا نازار اۋدارۋىمىز كەرەك.
جاڭا جولداۋدىڭ ءمان-ماڭىزى ايرىقشا ەكەنىن جان جۇرەگىمىزبەن جەتە سەزىنىپ وتىرمىز. ءار ءسوزدىڭ استارىنداعى تەرەڭ مازمۇندى اقىل تارازىسىنا سالىپ زەردەلەسەڭىز, مىندەت جۇگى ايقىندالا تۇسەر ەدى. ەڭ الدىمەن بەكەم بىرلىككە نازار اۋدارۋ كەرەك. سۇتتەي ۇيىعان بىرلىك بولسا عانا بەرەكە ۇيىرىلەدى. كۇنى كەشەگى قارالى قاڭتار وقيعاسىندا ەل تۇتاستىعىنا سىزات تۇسە جازداعان ۋاقىتتا ەگەمەندىگىمىزدى ساقتاپ قالعان قۇدىرەت – ەل پرەزيدەنتىنىڭ جانىنا توپتاسقان بىرلىك دەر ەدىم.
مەن اقمولا وڭىرىندە قىزمەت ەتەتىندىكتەن ولكەمىزدەگى بار جۇمىستىڭ ورگە باسۋىنا مۇددەلىمىن. جەرگىلىكتى ءوزىن ءوزى باسقارۋ جۇيەسىن نىعايتۋ, ياعني ازاماتتاردى ءوز ايماعىن باسقارۋعا تارتۋ, قىزىقتىرۋ, وزەكتى ماسەلەلەردى جىلدام شەشۋ ارقىلى وبلىس پەن قالانىڭ قارقىندى دامۋىنا قول جەتكىزۋگە بولادى دەپ ەسەپتەيمىن. سونداي-اق قوعامداعى زورلىق-زومبىلىقتى ازايتۋ شارالارىن جانە ايەلدەر مەن بالالارعا قاتىستى جازانى قاتايتۋ قاجەتتىگىن اتاپ وتپەسكە بولمايدى.
جايلاگۇل ساعىندىقوۆا,
ش.ءۋاليحانوۆ اتىنداعى كوكشەتاۋ ۋنيۆەرسيتەتىنىڭ پرورەكتورى
