ينفوگرافيكانى جاساعان امانگەلدى قياس, «ەQ»
جولداۋ, وندا قامتىلعان مىندەتتەر قوعام قاجەتتىلىگى مەن سۇرانىسىنا بايلانىستى نەگىزدەلگەنىن ەرەكشە اتاپ وتكىم كەلەدى. باعدارلامانىڭ ءبىرىنشى باعىتىندا پرەزيدەنت وكىلەتتىگىن قىسقارتا وتىرىپ, وكىلدىك بيلىك تارماعىن, ياعني پارلامەنت ءرولىن نىعايتۋ جولدارى جان-جاقتى تالدانىپ, ناقتى كورسەتىلدى.
سايلاۋ جۇيەسىن جەتىلدىرۋ – ازاماتتاردىڭ مەملەكەتتىڭ باسقارۋ ىسىندەگى ءرولىن ارتتىرۋعا باعىتتالعاندىعى تۋرالى دا باياندالدى. ماجوريتارلىق سايلاۋ ارقىلى ءاربىر ازامات پارلامەنت, ءماسليحات دەپۋتاتتىعىنا سايلانا الادى.
پاراساتتى حالقى بار ەلىمىز – قۋاتتى مەملەكەتتىڭ نەگىزى دەگەن قاعيدانى ۇسىنعان پرەزيدەنت كەشەندى رەفورمانىڭ ەرەكشەلىكتەرى مەن باعىتتارىنا جەكە-جەكە توقتالدى.
حالقىمىزدى اۋىزبىرشىلىك پەن اقىل-سابىرعا شاقىرىپ, ءبىزدىڭ نەگىزگى ماقساتىمىز – جاڭا قازاقستان قۇرۋ ەكەنىن اتاپ كورسەتتى. ول ءوز تاراپىنان مەملەكەت پەن قوعامنىڭ ءوزارا سەنىمىنە جانە قۇرمەتىنە نەگىزدەلگەن جاڭا ساياسي مادەنيەتتى قالىپتاستىراتىنىنا سەنىم ءبىلدىرۋ دەگەن تۇجىرىم جاسادى.
جولداۋ ەلىمىزدىڭ الەۋمەتتىك ادىلەتتىلىك, باسەكەگە قابىلەتتى باسىمدىقتارعا نەگىزدەلگەن, دامۋدىڭ جاڭا قاعيداتتارى جونىندەگى ءىس-قيمىلدىڭ كەشەندى ستراتەگياسىن بەلگىلەدى.
وندا كوپپارتيالىقتى, ساياسي باسەكەلەستىكتى, وي-پىكىردىڭ سان-الۋاندىلىعىن دامىتۋعا ىقپال ەتەتىن اۋقىمدى مىندەتتەر قويىلدى. ساياسي پارتيالار سانى كوبەيەتىنى ءسوزسىز. سەبەبى جاڭا پارتيا قۇرۋ ءۇشىن, تىركەۋ سانى 20 مىڭنان 5 مىڭعا دەيىن ازايتىلدى.
ۇلتتىق قۇرىلتاي, جوعارعى اۋديتورلىق پالاتا, كونستيتۋتسيالىق سوتتىڭ قۇرىلۋى جانە جاڭا ءۇش وبلىستىڭ اشىلۋى, حالىقتىڭ قاجەتتىلىگىن تەز ارادا شەشەتىن «حالىق ۇنىنە قۇلاق اساتىن مەملەكەت» تۇجىرىمداماسىن دامىتۋعا باعىتتالعان ساياسي رەفورمالاردىڭ جالعاسى بولىپ سانالادى.
رەفورمالاردى جۇزەگە اسىرۋ بارىسىندا كونستيتۋتسيانىڭ 30-دان استام بابىنا, 7 كونستيتۋتسيالىق زاڭعا جانە 15-تەن اسا زاڭعا وزگەرىس ەنگىزۋ كوزدەلىپ وتىر.
مەملەكەت باسشىسىنىڭ باستامالارىن تولىق قولداي وتىرىپ, جولداۋداعى مىندەتتەردى ورىنداۋ ءۇشىن جۇمىلۋعا جانە حالقى مىقتى, قۋاتتى, گۇلدەنگەن جاڭا قازاقستاندى بىرگە قۇرۋعا شاقىرامىز. جاڭا قازاقستاندى بىرگە قۇرايىق!
سۇلتانبەك ماكەجانوۆ,
سەنات دەپۋتاتى
