وتىرىسقا مەملەكەتتىك ورگانداردىڭ 35 وكىلى, ۇەۇ جانە ساراپشىلار قاۋىمداستىعىنىڭ 46 وكىلى قاتىستى.
ءىس-شارانىڭ نەگىزگى سپيكەرلەرى دەنساۋلىق ساقتاۋ ۆيتسە-ءمينيسترى جاندوس بۇركىتباەۆ, اقپارات جانە قوعامدىق دامۋ ۆيتسە-ءمينيسترى دانيار قادىروۆ, «قازاقستان حالقىنا» قق باسقارما توراعاسى بولات جامىشەۆ, «قازاقستاننىڭ ازاماتتىق اليانسى» زتب پرەزيدەنتى بانۋ نۇرعازيەۆا بولدى.
مينيستر ءوزىنىڭ العىسوزىندە «مەملەكەت باسشىسى ءوزىنىڭ قازاقستان حالقىنا جولداۋىندا ماڭىزدى الەۋمەتتىك ماسەلەلەردى شەشۋدەگى ۇكىمەتتىك ەمەس سەكتوردىڭ ءرولىن جانە ازاماتتىق قوعام ينستيتۋتتارىن جۇيەلى تۇردە قايتا جۇكتەمەلەۋ قاجەتتىلىگىن ەرەكشە اتاپ ءوتتى. وسىعان وراي, قوعامدىق ديالوگتىڭ بىرىڭعاي ينستيتۋتسيونالدىق مودەلىن قالىپتاستىرۋ جانە بيلىك پەن حالىق اراسىنداعى ءوزارا ءىس-قيمىلدى كۇشەيتۋ ۇيلەستىرۋ كەڭەسىنىڭ نەگىزگى مىندەتتەرىنىڭ ءبىرى سانالادى», دەپ اتاپ ءوتتى.
سونىمەن قاتار, وتىرىس بارىسىندا مينيستر مەملەكەتتىك ورگانداردىڭ ۇەۇ-مەن ءوزارا ءىس-قيمىل ءراسىمىن جەتىلدىرۋدىڭ, قوعامدىق كەڭەستەر قۇرامىن ساپالى جاڭارتۋدىڭ جانە «ۇلتتىق قۇرىلتاي» ۇلتتىق ينستيتۋتىنىڭ جۇمىسىنا قوعام وكىلدەرىن نەعۇرلىم كوبىرەك تارتۋ تۋرالى ايتتى.
ۇيلەستىرۋ كەڭەسى بارىسىندا جاندوس بۇركىتباەۆ «قازاقستان حالقىنا» قوعامدىق قورىن قۇرۋ بويىنشا جۇرگىزىلگەن جۇمىستار تۋرالى ايتىپ بەردى.
كەڭەستىڭ قاتىسۋشىلارى تاقىرىپتى جوسپارلاۋدىڭ جانە وڭىرلىك دەڭگەيدە مەملەكەتتىك الەۋمەتتىك تاپسىرىستى ىسكە اسىرۋدىڭ تيىمدىلىگىن باعالاۋدىڭ پروبلەمالىق ماسەلەلەرىن ەگجەي-تەگجەيلى تالقىلادى.
وتىرىستىڭ قورىتىندىلارى ۇيلەستىرۋ كەڭەسىنىڭ حاتتاماسىندا كورسەتىلىپ, جۇمىس ءۇشىن مەملەكەتتىك ورگاندارعا جولداناتىن بولادى.
ۇيلەستىرۋ كەڭەسىنىڭ جارقىن قورىتىندىسى رەتىندە, قازاقستاننىڭ ازاماتتىق اليانسىنىڭ پرەزيدەنتى بانۋ نۇرعازيەۆا, ەل پرەزيدەنتى قاسىم-جومارت توقاەۆتىڭ پروگرەسسيۆتى باستامالارىنا قولداۋ كورسەتىپ, ازاماتتىق قوعام وكىلدەرى اتىنان اشىق ۇندەۋ جاريالاۋ جونىندەگى ازاماتتىق باستاماسىن ءبىلدىردى.
