ۆيدەو • 31 ناۋرىز، 2022

سەمەيدە اعىلشىن ءتىلى كۋرسى كابينەتىنەن ەسىرتكى تابىلدى

58 رەت كورسەتىلدى

سەمەي پوليتسەيلەرى اعىلشىن كۋرسى كابينەتىنەن 11 كەلىدەن استام ەسىرتكى تاركىلەندى، دەپ حابارلايدى Egemen.kz Polisia.kz-كە سىلتەمە جاساپ.

ناۋرىز ايىنىڭ باسىندا سەمەي قالاسىنىڭ ءبىلىم بەرۋ ورتالىقتارىنىڭ بىرىندەگى اعىلشىن ءتىلى كابينەتىندە الماتى قالاسىنىڭ 36 جاستاعى تۇرعىنى ۇستالدى. ول ەسىرتكى قۇرالدارىنىڭ زاڭسىز اينالىمىنا قاتىسى بار دەگەن كۇدىككە ىلىنگەن.

وقۋ بولمەسىنە ءتىنتۋ جۇرگىزۋ بارىسىندا ۇستەل ۇستىندەگى ەدەندە وسىمدىك تەكتەس جاسىل ءتۇستى زاتى بار پوليەتيلەندى تۇيىنشەك ورنالاسقان كارتون قوراپ تابىلدى.

ساراپتاما قورتىندىسى كورسەتكەندەي، تاركىلەنگەن زات كەپتىرىلگەن ماريحۋانا بولىپ شىقتى. جالپى سالماعى 11 كەلىدەن اسادى.

اتالعان فاكتى بويىنشا قر قك-ءنىڭ 297-بابىنىڭ 3-بولىگى (ەسىرتكى زاتتاردى، پسيحوتروپتىق زاتتاردى، سول تەكتەستەردى وتكىزۋ ماقساتىندا زاڭسىز دايىنداۋ، قايتا وڭدەۋ، ساتىپ الۋ، ساقتاۋ، تاسىمالداۋ، جونەلتۋ نەمەسە وتكىزۋ) بويىنشا سوتقا دەيىنگى تەرگەۋ باستالدى. بۇل باپتىڭ سانكتسياسى 10 جىلدان 15 جىلعا دەيىنگى مەرزىمگە باس بوستاندىعىنان ايىرۋ جازاسىن كوزدەيدى.

 

سوڭعى جاڭالىقتار

ۇقساس جاڭالىقتار