«ن.تىلەۋباەۆ («Forbes» جۋرنالىنىڭ نۇسقاسى بويىنشا قازاقستاننىڭ ەڭ ىقپالدى بيزنەسمەندەرى رەيتينگىنە كىرگەن) 2012-2017 جىلدارى ارالىعىندا قاساقانا قايتارىمسىز نەسيە بەرۋ ارقىلى بانك قاراجاتىن شىعارعان. تەرگەۋ بارىسىندا كۇدىكتىلەر مەن ولاردىڭ جاقىن تۋىستارىنىڭ قۇنى 48 ملرد تەڭگەدەن اساتىن 5 قانت زاۋىتى, 20-دان استام جەر ۋچاسكەسى, 70 جىلجىمايتىن مۇلكى جانە 40 اۆتوكولىك قۇرالى بۇعاتتالدى», دەدى اگەنتتىكتىڭ ەرەكشە ماڭىزدى ىستەر جونىندەگى تەرگەۋشىسى سالتانات كوشەرباەۆا.
سونىمەن قاتار, كۇدىكتىلەردىڭ بىرىككەن اراب امىرلىكتەرىندەگى, رەسەي فەدەراتسياسىنداعى, لاۆتيا مەن چەح رەسپۋبليكالارىنداعى اكتيۆتەرى بۇعاتتالعان.
«قىلمىستىق ارەكەتتەن كەلگەن شىعىن 200 ملرد-تان استام تەڭگەنى, 200 ملن دوللاردى جانە 4 ملن ەۋرونى قۇرايدى. قازىرگى ۋاقىتتا قىلمىستىق ءىس سوتقا جىبەرىلدى. ءىس فيگۋرانتتارى تۇتقىنعا الىنعان», دەدى ول.
