تۇرىك شايى تانىستىرىلدى

مادەنيەت ورتالىعىنىڭ حا­بارلاۋىنشا, تۇرىك شايى انا­دولىعا XVI عاسىردان باستاپ قى­تايدان جىبەك جولى ارقىلى تارالا باستاعان. وسمانلى مەم­لەكەتىنە XVI عاسىردا شيپالى سۋسىن رەتىندە اكەلىنگەن شاي تۋرالى 1731 جىلى پارسى تىلىندەگى «ريسالە-ي چاي» اتتى ەڭبەكتە بايان­دالادى. باتۋميگە جۇمىسشى رەتىندە بارىپ كەلىپ جۇرگەن ريزە جانە ارتۆين حالقى قايتقاندا شاي بۇتاقتارىن اكەلىپ, ونى باقشالارىنا ەگە باستاعان. كەيىن ورماندىق ال­قاپتار مەن قىرلاردا دا وزدى­گىنەن وسەتىنى انىقتالدى. وسمان­لى مەملەكەتىنىڭ قۇزىرلى مە­كەمەلەرى شايدىڭ زيانى جوق ەكەنى دالەلدەنگەننەن كەيىن وندىرىسىنە دە رۇقسات بەرگەن. ال تۇركيا رەسپۋبليكاسى قۇرىل­عاننان كەيىنگى جىلدارى ريزە مەن ترابزون وبلىستارىندا شاي ءوسىرۋ كەشەندى تۇردە ەكونوميكانىڭ ءبىر سالاسىنا اينالا باستادى. ەڭ ءىرى شاي ءوندىرۋ فابريكاسىنىڭ نەگىزى ريزەدە 1946 جىلى قالانىپ, 1947 جىلى شاي تاۋار رەتىندە اينالىمعا شىققان.

ايتا كەتەيىك,  بۇگىندە شاي – الەمدەگى سۋدان كەيىن ەڭ تانىمال جانە كوپ قولدا­نىلاتىن سۋسىن ءتۇرى رەتىندە تۇرىك اسحاناسىنىڭ جانە ما­دە­نيەتىنىڭ دە اجىرامايتىن بولشەگىنە اينالعان. تۇركيا الەم بويىنشا شاي وندىرۋدە ءتورتىنشى, ال تۇتىنۋدا العاشقى ورىندى يەلەنەدى. سونداي-اق قازىرگى كۇنى تۇر­كيادا شامامەن 1 ميلليون ادام شاي ءوندىرىسى نارىعىندا ەڭ­بەك ەتەدى.

اتالعان فەستيۆال اياسىن­دا قاتىسۋشىلارعا تۇرىك شايى, تۇرىك ءسيميتى مەن ىرىمشىگى ۇسىنىلىپ, تۇرىكشە اندەر ورىندالدى. ءىس-شاراعا تۇركيانىڭ قازاقستانداعى توتەنشە جانە وكىلەتتى ەلشىسى ۋفۋك ەكيدجي, پارلامەنت دەپۋتاتتارى, ەلور­دادا­عى ديپلوماتيالىق كورپۋس وكىلدەرى, ۋنيۆەرسيتەتتەر ۇجى­مى مەن ستۋدەنتتەر قاتىستى.