«بيىلعى جىلدىڭ 29 ناۋرىزىندا بۋراباي اۋداندىق پب كەزەكشى بولىمىنە مادەنيەت اۋىلىندا جاڭادان سالىنىپ جاتقان عيماراتتىڭ قۇرىلىس جۇمىستارى كەزىندە ادام سۇيەكتەرى تابىلعاندىعى تۋرالى حابار ءتۇستى. ايتىلعان جەرگە دەرەۋ پوليتسيا قىزمەتكەرلەرى باردى. قۇرىلىس جۇمىستارى بارىسىندا ادامنىڭ سۇيەگىنە ۇقساس 18 سۇيەك تابىلدى», دەدى اقمولا وبلىستىق پد ءباسپاسوز قىزمەتىندەگىلەر.
وقيعاعا بايلانىستى سوت-مەديتسينالىق ساراپتاما تاعايىندالدى.
«انىقتالعانداي, سۇيەك قالدىقتارى تابىلعان جەردە شامامەن 35-40 جىل بۇرىن جەكە تۇرعىن ءۇي بولعان. قازىر وسى ۋچاسكەدە «بۋراباي مۇتپ زولوتوبور ورمانشىلىعى» عيماراتىنىڭ قۇرىلىسى جۇرگىزىلىپ جاتىر», دەپ تولىقتىردى ۆەدومستۆونىڭ ءباسپاسوز قىزمەتى.
