«قازمەديا وتالىعىنداعى» اپات جويىلدى. ترانسفورماتورداعى ءورت ءسوندىرىلدى. تەلەراديو ارنالار حابار تاراتۋدىڭ رەزەرۆتىك فورماتىنا كوشىرىلدى», دەپ جازدى قر اقپارات جانە قوعامدىق دامۋ ءمينيسترى اسقار ۋماروۆ Facebook پاراقشاسىندا.
بۇعان دەيىن قر توتەنشە جاعدايلار مينيسترلىگى بۇگىن ساعات 20:41-دە نۇر-سۇلتان قالاسىنىڭ تجد ءورت ءسوندىرۋ بولىمشەلەرى «د.قوناەۆ كوشەسى, 4» مەكەنجايىندا ورنالاسقان عيماراتقا شۇعىل شاقىرتۋ بويىنشا جەتكەنىن حابارلاعان بولاتىن.
ۆەدومستۆو مالىمەتىنشە, ساعات 21:12-دە ءورت تولىعىمەن سوندىرىلگەن. الدىن الا مالىمەتتەرگە قاراعاندا, ءتىلسىز جاۋدىڭ شىعۋىنا اككۋمۋلياتور باتارەيالارىنىڭ ورتەنۋى سەبەپ بولعان.
