بالالاردى 1-سىنىپقا 6 جاستان باستاپ اتا-اناسىنىڭ نەمەسە ءبىلىم الۋشىلاردىڭ زاڭدى وكىلىنىڭ جەكە ءوتىنىشى نەگىزىندە قابىلدانادى. وسى ورايدا مىناداي قۇجاتتار قاجەت: بالانىڭ تۋ تۋرالى كۋالىگىنىڭ كوشىرمەسى; 026/ۋ-3 نىسانى بويىنشا دەنساۋلىق پاسپورتى; 063/ۋ نىسانى بويىنشا دەنساۋلىق جاعدايى تۋرالى قۇجات (ەكپە كارتاسى) جانە 3ح4 كولەمىندەگى فوتوسۋرەتتىڭ ەكى داناسى.
«قۇجاتتاردى قابىلداۋ بيىلعى جىلدىڭ 1 ساۋىرىنەن 1 تامىزىنا دەيىن جالعاسادى. بىرنەشە جىل بويى قۇجاتتاردى جانە بالالاردى مەكتەپكە قابىلداۋ بويىنشا مەملەكەتتىك قىزمەت اۆتوماتتاندىرىلدى. 1-سىنىپقا قابىلداۋ ەلەكتروندىق ۇكىمەتتىڭ ەgov.kz ۆەب-پورتالى ارقىلى جۇزەگە اسىرىلادى», دەدى گ. كارىموۆا.
وڭىرلەردەگى ءبىلىم باسقارمالارى الەۋمەتتىك جەلىلەر مەن باق ارقىلى اتا-انالار اراسىندا بالالاردى مەكتەپكە قابىلداۋ ەرەجەلەرى تۋرالى اقپاراتتىق-ءتۇسىندىرۋ جۇمىستارىن قوسىمشا جۇرگىزەتىن بولادى.
ونىڭ ايتۋىنشا, بيىل ءبىرىنشى سىنىپقا 420 مىڭ ءبۇلدىرشىن بارادى دەپ جوسپارلانعان. بۇل كورسەتكىش بىلتىرعا قاراعاندا جوعارى.
