بەرىك ءۋالي پرەزيدەنتتىڭ ءباسپاسوز حاتشىسى قىزمەتىنەن بوساتىلدى

«مەملەكەت باسشىسىنىڭ وكىمىمەن بەرىك ءۋالي قازاقستان رەسپۋبليكاسى پرەزيدەنتىنىڭ ءباسپاسوز حاتشىسى لاۋازىمىنان بوساتىلدى», دەلىنگەن حابارلامادا.

سونداي-اق, بەرىك ءۋالي «حابار اگەنتتىگى» اق باسقارما توراعاسى بولىپ تاعايىندالدى.

ول 1997 جىلى ت.جۇرگەنوۆ اتىنداعى قازاق مەملەكەتتىك تەاتر جانە كينو ينستيتۋتىن «كينوتانۋشى», 2005 جىلى ءال-فارابي اتىنداعى قازاق ۇلتتىق ۋنيۆەرسيتەتىن «جۋرناليستيكا», 2014 جىلى قازاق يننوۆاتسيالىق گۋمانيتارلىق-زاڭ ۋنيۆەرسيتەتىن «قۇقىقتانۋ» ماماندىقتارى بويىنشا بىتىرگەن.

1997-2012 جىلدارى – «حابار» اگەنتتىگى» اق-نىڭ, «تاڭ» تەلەكومپانياسىنىڭ, «نتك» تەلەارناسىنىڭ, «31 كانال» جشس-ءنىڭ ءجۋرناليستى, اقپاراتتىق باعدارلامالارىنىڭ رەداكتورى, «نۇر مەديا» جشس-ءنىڭ جەمقورلىققا قارسى مەديا ورتالىعىنىڭ جەتەكشىسى.

2012-2015 جىلدارى – وڭتۇستىك قازاقستان وبلىسى اكىمى اپپاراتى باسشىسىنىڭ ورىنباسارى, ءباسپاسوز قىزمەتىنىڭ باسشىسى, ىشكى ساياسات جانە ءدىن ىستەرى باسقارماسىنىڭ باسشىسى.

2015-2016 جىلدارى – Nur Otan پارتياسى توراعاسى ءبىرىنشى ورىنباسارىنىڭ كەڭەسشىسى.

2016-2018 جىلدارى – قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ كەڭەسشىسى, اقپاراتتىق قامتاماسىز ەتۋ دەپارتامەنتىنىڭ ديرەكتورى.

2018-2019 جىلدارى – جامبىل وبلىسى اكىمدىگىنىڭ ىشكى ساياسات باسقارماسىنىڭ باسشىسى.

2019 جىلى ناۋرىزدا مەملەكەت باسشىسىنىڭ وكىمىمەن قازاقستان رەسپۋبليكاسى پرەزيدەنتىنىڭ ءباسپاسوز حاتشىسى بولىپ تاعايىندالدى.

«دارىن» مەملەكەتتىك جاستار سىيلىعىنىڭ يەگەرى.