بۇل تۋرالى اقوردانىڭ «بورت №1» Telegram-ارناسى جاريالادى.
بۇعان دەيىن قازاقستانداعى الەۋمەتتىك-ەكونوميكالىق احۋال ماسەلەلەرى جونىندەگى كەڭەستە مەملەكەت باسشىسى باس پروكۋراتۋراعا باسەكەلەستىكتى قورعاۋ اگەنتتىگىمەن بىرلەسىپ, باعالىق ءسوز بايلاسۋ جانە وزگە دە باسەكەلەستىككە قارسى ءىس-ارەكەتتەرگە تەرگەۋ جۇرگىزۋدى تاپسىردى.
سۇيىتىلعان مۇناي گازىن ساتۋشىلار ۇستەم جاعدايدى تەرىس پايدالانىپ, ونى ساتۋ كەزىندە ەڭ جوعارى باعانى بەلگىلەۋگە عانا باعدارلانعانى انىقتالدى.
«قازاقويل اقتوبە» جشس-نە قاتىستى اكىمشىلىك ايىپپۇل سالۋ تۋرالى سوت شەشىمى شىعارىلدى.
«سنپس-اقتوبەمۇنايگاز» اق جانە «سپ قازگەرمۇناي» جشس قاتىستى اكىمشىلىك ىستەر قوزعالدى جانە سوتقا بەرىلدى.
«Petrosun» جشس جانە «قازاق گاز وڭدەۋ زاۋىتى» جشس قاتىستى قىلمىستىق ىستەر قوزعالدى, «قازمۇنايگاز» ۇك» اق قاتىستى ءىس ماتەريالدارى قارجى مونيتورينگى اگەنتتىگىنە بەرىلدى.
«قازاق گاز وڭدەۋ زاۋىتى» جشس-ءنىڭ ارەكەتتەرىندە سۇيىتىلعان مۇناي گازىن وتكىزۋ كولەمىن نەگىزسىز قىسقارتۋ فاكتىلەرى انىقتالدى.
باسەكەلەستىكتى قورعاۋ جانە دامىتۋ اگەنتتىگى سۇيىتىلعان مۇناي گازىن بولشەك ساۋدادا وتكىزۋ سۋبەكتىلەرىنە قاتىستى 193 تەكسەرۋ جۇرگىزۋدە, ونىڭ ىشىندە 89-ى باس پروكۋراتۋرامەن بىرلەسىپ تەرگەلۋدە.
نارىقتىڭ 65 سۋبەكتىسىنىڭ ءىس-ارەكەتىندە كەلىسىلگەن ءىس-قيمىلدار مەن كارتەلدىك ءسوز بايلاسۋدى ۇيىمداستىرۋ فاكتىلەرى انىقتالدى.
45 سۋبەكتىگە قاتىستى اكىمشىلىك ىستەر قوزعالدى, ماتەريالدار سوتقا جولداندى. سالىنعان اكىمشىلىك جازالاردىڭ جالپى سوماسى 92 ملن تەڭگەنى قۇرادى.
