«قازىرگى ۋاقىتتا اليمەنت تولەمەيتىندەردى اكىمشىلىك جاۋاپكەرشىلىككە تارتۋ ءۇشىن حاتتاما جاساۋ قاجەت. جەكە سوت ورىنداۋشىسىنىڭ مۇنداي قۇقىعى جوق. ول ءۇشىن بورىشكەردى ادىلەت ورگاندارىنا جەتكىزۋ كەرەك, وندا ادىلەت ورگاندارىنىڭ لاۋازىمدى ادامى ءتيىستى اكىمشىلىك حاتتاما جاسايدى. بۇل رەتتە, بورىشكەر ادىلەت ورگاندارىنا بارۋعا نيەت بىلدىرمەسە, وندا ونى كۇشپەن تەك پوليتسيا عانا اپارا الادى», دەدى قانات مۋسين.
ونىڭ ايتۋىنشا, مۇنداي مەحانيزمنىڭ بىرقاتار كەمشىلىكتەرى بار.
«ادامدى جاۋاپكەرشىلىككە تارتۋ ءۇشىن كوپ ۋاقىت جۇمساۋ كەرەك بولاتىن مەحانيزم پايدا بولادى. ەگەر زاڭدى تۇردە جەكە سوت ورىنداۋشىسىنىڭ وزىنە اكىمشىلىك حاتتاما جاساۋ قۇقىعى پايدا بولسا, بۇل قۇقىق بۇزۋشىلاردىڭ سانىن ەداۋىر ازايتىپ, ولاردى تەزىرەك جازالاۋعا ىقپال ەتەدى. ءبىز قازىر اتقارۋشىلىق ءىس جۇرگىزۋ تۋرالى جاڭا زاڭنىڭ تۇجىرىمداماسىن ازىرلەۋدەمىز. بۇل ماسەلەنى شەشۋدىڭ ءتيىمدى قۇرالدارىنىڭ ءبىرى بولعاندىقتان, سوت ورىنداۋشىسىنىڭ ءدال وسىنداي وكىلەتتىلىگىن بەلگىلەيمىز», دەپ اتاپ ءوتتى مينيستر.
«جالپى, ءبىز وبلىس اكىمدىكتەرىمەن مەموراندۋم جاساستىق, بوس ورىندار جارمەڭكەسى تۇراقتى تۇردە وتكىزىلىپ تۇرادى, وندا جۇمىس ورنى جوق بورىشكەرلەردىڭ كەلۋىن قامتاماسىز ەتۋگە تىرىسامىز. وتكەن جىلى ءبىز اليمەنت بويىنشا 2,5 مىڭنان استام بورىشكەردى جۇمىسقا ورنالاستىردىق», دەپ قوستى ق.مۋسين.
