كۇردەلى گەوساياسي جاعداي, ەكونوميكالىق قىسىم, قاڭتارداعى وقيعالار – وسىنىڭ ءبارى ناۋرىزداعى جولداۋدى كوپشىلىك ءۇشىن ناقتى ءىس-قيمىل تۇجىرىمداماسى رەتىندە جاريالاۋعا تۇرتكى بولعانى انىق. ويتكەنى قازاقستاندىقتار ەلىمىزدىڭ ەندى قايدا جانە قالاي قاراي قادام باسۋ كەرەك ەكەنىن جەتە تۇسىنبەدى.
سونداي-اق ەل ازاماتتارى ەگەر ەكى جارىم اي بۇرىن عانا بولعان وقيعالار مۇلدە باسقاشا وربىسە جانە سىن مەن سىناققا تولى كەزەڭدە مەملەكەت باسشىسى بەرىك ءارى ناقتى شەشىمدەر قابىلداماسا, ەشقانداي جولداۋ دا, ەل دە بولمايتىنىنا كوزدەرى انىق جەتتى.
پرەزيدەنت جولداۋىندا ايتىلعان ساياسي رەفورمالار قاڭتارداعى داعدارىستىق وقيعالاردىڭ سالدارى عانا ەمەس, بيلىكتىڭ سول كەزدە تۋىنداعان ماسەلەلەردى شەشۋگە دەگەن ۇمتىلىسى بولاتىن. رەفورمالار 2019 جىلى باستالدى, ولاردىڭ قازىرگى كەزەڭى تابيعي جانە ءسال كەيىنىرەك ورىن الۋى مۇمكىن, بىراق بۇل رەفورمالار ەل ءۇشىن اسا قاجەت, سوندىقتان كۇشتى دەموكراتيالىق مەملەكەت قۇرۋدى ولاردىڭ ناتيجەلەرىنسىز ەلەستەتۋ قيىن.
ەل پرەزيدەنتى قاسىم-جومارت توقاەۆتىڭ جولداۋى رەفورمالاردى جۇرگىزۋ قاجەتتىگىن يدەولوگيالىق تۇرعىدان تەرەڭىرەك جانە كەڭىرەك تالداپ بەرگەنىن ەرەكشە اتاپ وتكىم كەلەدى. مەملەكەت باسشىسىنىڭ ءوزى ەلىمىزدە شەشىمىن تاپپاعان ماسەلەلەردىڭ بار ەكەنىن مويىنداپ وتىر. وسىنىڭ ءوزى ءتۇيىنىن تارقاتۋىن كۇتكەن ماسەلەلەردىڭ جارتىسى عانا. حالىق اراسىندا پرەزيدەنت ق.توقاەۆ قاشاندا پروبلەمالارعا كوز جۇمباي, وزگە بىرەۋگە جاۋاپكەرشىلىكتى ارتا سالۋعا تىرىسپاي, بىردەن شەشۋ جولدارىن ۇسىنىپ, جاۋاپتىلاردىڭ كەمشىلىكتەرىن كورسەتە وتىرىپ, قالاي بولاتىنى تۋرالى جول سىلتەيتىنى جايلى پىكىر قالىپتاسقان.
ءبىزدىڭ ەلىمىزدە جاھاندىق, تۇبەگەيلى وزگەرىستەر بۇرىنعى جۇيەنى بولشەكتەمەستەن تەز ارادا جۇرگىزىلمەيدى.
پرەزيدەنتتىك جاستار كادر رەزەرۆىنىڭ مۇشەلەرى مەملەكەت باسشىسىنىڭ باستامالارىن ىسكە اسىرۋ ءۇشىن بارلىق كۇش-جىگەرىن جۇمساۋعا دايىن. مۇنىڭ سەبەبى مەملەكەت باسشىسىنىڭ رەزەرۆتەگى جاستاردى «وزگەرىستەر اگەنتتەرى» دەپ اتاعاندىقتان عانا ەمەس, سونىمەن قاتار ءتۇپ ماقساتى ەڭ باستى «اگەنت» رەتىندە پرەزيدەنتتىڭ «ەلدىڭ مۇددەلەرى بارىنەن بۇرىن» دەگەن نەگىزگى ومىرلىك ۇستانىمىندا جاتىر.
اسقار بايمۇقانوۆ,
سولتۇستىك قازاقستان وبلىسى ىشكى ساياسات باسقارماسى باسشىسىنىڭ ورىنباسارى,
پرەزيدەنتتىك جاستار كادرلىق رەزەرۆىنىڭ مۇشەسى
