عىلىم • 25 ناۋرىز، 2022

عىلىم دامىسا – قوعام داميدى

1231 رەت كورسەتىلدى

«عىلىم ورداسىندا» ۇعا تورالقاسىنىڭ ۇيىمداستىرۋىمەن پرەزيدەنت ق.توقاەۆتىڭ «جاڭا قازاقستان: جاڭارۋ مەن جاڭعىرۋ جولى» جولداۋىن تالقىلاۋعا ارنالعان وتىرىس ءوتتى.

پرەزيدەنتتىڭ حالىققا ارنا­عان جولداۋى ەلىمىزدىڭ الدا­عى دامۋىنا جاڭا سەرپىن بەرىپ، العا قويعان مىندەتتەردى ءتيىمدى جۇزەگە اسىرۋعا ىقپال ەتەدى. پرەزيدەنتتىڭ جولداۋى اتا زاڭى­مىزدا كورسەتىلگەندەي «الەۋ­مەت­تىك مەملەكەت» ستاتۋسىنا سايكەس، قاراپايىم حالىقتىڭ تۇر­مىستىق جاعدايىن جاقسارتۋ ماقسا­تىندا جاڭا­شىل باستامالار مەن باع­دار­لار­عا نەگىزدەلگەن.

جيىنعا ۇلتتىق عىلىم اكا­دە­مياس­ىنىڭ پرەزيدەنتى، اكادەميك مۇرات جۇرىنوۆ جەتەك­شى­لىك ەتىپ، الماتى قالاسى اكىمىنىڭ ورىنباسارى ارمان قىرىقباەۆ قاتىستى.

عالىمدار تاراپىنان ايتىل­عان ۇسىنىس-پىكىرلەردە عىلىمي كە­ڭىس­تىكتىڭ مۇمكىندىكتەرى ءسوز بول­دى. وسى ورايدا قازۇازۋ رەك­تورى، ۇعا ۆيتسە-پرەزيدەنتى، اكا­دەميك ت.ەسپولوۆ پرەزيدەنتتىڭ ساياسي رەفورمالار جونىندەگى جول­داۋى ەل دامۋىنا تىڭ سەرپىن بەرەتىنىن اتاپ وتسە، ەكونوميكا ينستي­تۋ­تى­نىڭ ديرەكتورى، ۇعا اكا­دە­م­يگى ءا.ساتىبالدين «پرەزيدەنت ق.ك.توقاەۆتىڭ جولداۋى – ەلى­مىز­دەگى ەكونوميكالىق جانە ساياسي قايتا قۇرۋلار مەن جاڭا قازاق­ستان باعدارلاماسىن جۇزەگە اسى­رۋ­دىڭ نەگىزى» تاقىرىبىنا بايانداما جاسادى. ال ش.ءۋاليحانوۆ اتىنداعى تاريح جانە ەتنولوگيا ينستيتۋتىنىڭ ديرەكتورى، ۇعا كوررەسپوندەنت-مۇشەسى ز.قابىل­دينوۆ «جاڭا قازاقستان جانە ونىڭ جاڭا اكىمشىلىك-اۋماق­تىق قۇرى­لىمىنا» تالداۋ جاساپ، ر.سۇ­لەي­مەنوۆ اتىنداعى شىعىس­تا­نۋ ينستيتۋتىنىڭ ديرەكتورى، فيلو­لوگيا عىلىمدارىنىڭ دوكتورى، پروفەسسور د.ءماسىمحان ۇلى جولداۋدى قازاقستاننىڭ جاڭا بەتالىسىن ايقىنداعان قۇجات دەپ اتاپ ءوتتى.

قازىرگىدەي كۇردەلى كەزەڭدە پرەزيدەنت ەلىمىزدىڭ بولاشاعىن ناقتى باعامداپ، قازاقستاندى ازاماتتىق قوعامى قالىپتاسقان ءتيىمدى مەملەكەتكە اينالدىرۋعا سەرپىن بەرەدى. مەملەكەت باسشىسى ازاماتتىق بەلسەندىلىكتى جانداندىرۋ كەرەگىن، مەملەكەت پەن قوعامنىڭ سانالى ءəرى سىندارلى سەرىكتەستىگىنە جول اشۋ قاجەت­تى­گىن باسا ايتتى. ايتىلعان رە­فور­مالاردىڭ اۋقىمى كەڭ، ماز­مۇنى تەرەڭ. وندا بيلىك تار­ماق­تارىنىڭ وكىلەتتىگىنەن باستاپ، ازاماتتاردىڭ قۇقىعىن قورعاۋعا دەيىنگى بارلىق مəسەلە قامتىلعان.

پرەزيدەنتتىڭ قازاقستان حال­قى­نا جولداۋى اۋقىمى جاعى­نان ەلىمىزدىڭ ساياسي دامۋىنىڭ جاڭا كەزەڭى ىسپەتتى. بۇل – ەل الدىندا تۇرعان سىناقتارعا مەملەكەتتىڭ بەرگەن جاۋابى دەپ ايتۋعا بولادى. «جاڭا قازاقستان» دەگەنىمىز – بارلىق ادامعا تەڭ مۇمكىندىك بەرۋ، ەكونوميكا مەن ساياساتتاعى جاساندى مونوپوليالاردى جويۋ، ەلدىڭ ساياسي ومىرىنە بەلسەنە ارالاساتىن مىقتى ازاماتتىق قوعامى بار ءتيىمدى ءəرى وركەنيەتتى مەملەكەت قۇرۋ.

جولداۋدا جىل باسىنداعى وقيعا­لارعا ناقتى قۇقىقتىق باعا بەرىلىپ، قايعىلى وقيعاعا قاتى­سى بارلاردىڭ ەشقايسىسى جازاسىز قالمايتىنى باسا ايتىلدى. سونىمەن قاتار مەملەكەت باسشىسى ەلىمىزدى ودان ءəرى دە­مو­كرا­تيالاندىرۋ باعدارى جال­عا­سا بەرەتىنىنە نازار اۋدارىپ، قوعامدىق-ساياسي سالاداعى اۋقىم­دى جəنە جۇيەلى رەفورمالار توپتا­ماسىن ۇسىندى. بۇل جاڭا باستامالار ەلىمىزدىڭ قازىرگى ساياسي جۇيەسىن تۇبەگەيلى قايتا جاڭ­عىر­تىپ، ونىڭ اشىقتىعىن، ەسەپ­تى­لىگىن جəنە تيىمدىلىگىن ارتتىرا تۇسەدى.

دوڭگەلەك ۇستەل جۇمىسىنا قالالىق اكىمدىك قىزمەتكەرلەرى، ۇعا مۇشەلەرى، مەملەكەت جانە قوعام قايراتكەرلەرى، عزي، باق وكىلدەرى قاتىستى.

 

الماتى

سوڭعى جاڭالىقتار

دوللار ارزاندادى

ەكونوميكا • بۇگىن، 16:52

قوسشىدا جاڭا مەكتەپ اشىلادى

ءبىلىم • بۇگىن، 16:25

ۇقساس جاڭالىقتار