جاپپاي تارتىپسىزدىكتەر كەزىندە ا ەسىمدى ازامات ساۋدا ورتالىقتارىنىڭ بىرىندە ورنالاسقان ىدىس-اياقتار بۋتيگىنە زاڭسىز كىرىپ, جالپى قۇنى 5 ميلليون تەڭگەگە جۋىق ءاسۇي ىدىستارىن جىمقىرىپ كەتكەن. 32 جاستاعى ۇستالعان ازامات قىلمىسىن مويىندادى. ونىڭ بەتى بىردەن بىرنەشە بەينەباقىلاۋ كامەراسىنا, سونىڭ ىشىندە توناۋ كۋاگەرلەرىنىڭ سمارتفوندارىنا ءتۇسىپ قالعان, دەپ حابارلادى بوستاندىق اۋداندىق پوليتسيا باسقارماسى جانىنداعى پوليتسيا ءبولىمىنىڭ باستىعى عالىم قاسىمباەۆ.
Polisia.kz-ءتىڭ حابارلاۋىنشا, اتالعان دەرەك بويىنشا سوتقا دەيىنگى تەرگەۋ باستالدى. كۇدىكتىنىڭ ارەكەتتەرى قر قك-ءنىڭ 188-بابى 3-بولىگىنىڭ 3-تارماعىمەن (ۇرلىق) قارالادى.
قىلمىسكەر ۇرلانعان زاتتاردى ساتا الماعان. جەدەل ۋاكىلدەر ۇرلانعان ءاسۇي ىدىستارىن تاركىلەپ, ايعاق رەتىندە قىلمىستىق ءىس ماتەريالدارىنا تىركەگەن. الماتى قالاسىنىڭ مامانداندىرىلعان اۋدانارالىق تەرگەۋ سوتى قاماۋ تۇرىندەگى بۇلتارتپاۋ شاراسىن سانكتسيالادى.
