احمەت بايتۇرسىن ۇلى • 24 ناۋرىز، 2022

چەحيا استاناسىندا «احمەت بايتۇرسىن ۇلى جانە الاش» كىتابىنىڭ تۇساۋى كەسىلدى

180 رەت كورسەتىلدى

پراگادا ۇلت ۇستازى، الاش ارداقتىسى احمەت بايتۇرسىن ۇلىنىڭ 150 جىلدىعىنا، سونداي-اق «الاش» قوزعالىسىنىڭ مادەني مۇراسىنا ارنالعان دوڭگەلەك ۇستەل وتىرىسى ۇيىمداستىرىلدى، دەپ حابارلايدى Egemen.kz قازاقستان رەسپۋبليكاسى سىرتقى ىستەر مينيسترلىگى ءباسپاسوز قىزمەتىنە سىلتەمە جاساپ.

ءىس-شارا اياسىندا قازاقستان رەسپۋبليكاسىنىڭ چەحيا رەسپۋبليكاسىنداعى ەلشىلىگىنىڭ باستاماسىمەن «احمەت بايتۇرسىن ۇلى جانە الاش» كىتابىنىڭ تۇساۋكەسەر ءراسىمى ءوتتى. كىتاپ العاش رەت چەح جانە اعىلشىن تىلدەرىنە اۋدارىلىپ، وعان قازاق مادەنيەتىنىڭ كورنەكتى قايراتكەرلەرى مەن قازىرگى زامانعى «الاشتانۋشى» عالىمداردىڭ ەڭبەكتەرى ەندى. قازاق تىلىنەن اعىلشىن تىلىنە اۋدارۋدى قازاقستان رەسپۋبليكاسىنىڭ ۇلتتىق اۋدارما بيۋروسى جۇزەگە اسىردى.

4556546

ءىس-شارا بارىسىندا قازاق مەملەكەتتىلىگىن قالىپتاستىرۋ ماسەلەلەرى تالقىلانىپ، قازاقستاننىڭ تاۋەلسىزدىك كەزەڭىندەگى جەتىستىكتەرى تۋرالى سىندارلى پىكىر الماسۋ بولدى. ا. بايتۇرسىن ۇلى مەن «الاش» قوزعالىسىنىڭ ەل تاريحى مەن ۇلتتىق سانانى قالىپتاستىرۋداعى بىرەگەي ءرولى اتاپ ءوتىلدى.

تانىمال چەح عالىمى، پروفەسسور يرجي شيما ءوز سوزىندە «مەن ءوز حالقىم مەن ەلىمنىڭ تاريحىن زەرتتەپ قانا، وتكەن عاسىردىڭ سوڭىندا جاڭادان پايدا بولعان تاۋەلسىزدىكتىڭ ەرەكشە قۇندىلىعىن تۇسىنە باستايتىندىعىما سەنىمدىمىن»، دەدى.

219496

سونداي-اق، كەزدەسۋدە كارلوۆ ۋنيۆەرسيتەتىنىڭ، چەحيا ۇلتتىق كىتاپحاناسىنىڭ وكىلدەرى، جۋرناليستەر مەن «قازاقستان دوستارى» كلۋبىنىڭ  وكىلدەرى ءسوز سويلەدى. قاتىسۋشىلار ۇلتتىق تاريحتى جان-جاقتى جانە تەرەڭ زەرتتەۋدىڭ ماڭىزدىلىعىن اتاپ ءوتتى.

قازاقستاندىق تاراپتان ونلاين فورماتتا «ەگەمەن قازاقستان» رەسپۋبليكالىق گازەتى» اق باسقارماسىنىڭ توراعاسى دارحان قىدىرالى، ش. ءۋاليحانوۆ اتىنداعى تاريح جانە ەتنولوگيا ينستيتۋتىنىڭ ديرەكتورى زيابەك قابىلدينوۆ، ا. بايتۇرسىن ۇلى اتىنداعى ءتىل ءبىلىمى ينستيتۋتىنىڭ ديرەكتورى انار فازىلجانوۆا، قر بعم عىلىم كوميتەتىنىڭ مەملەكەت تاريحى ينستيتۋتى ديرەكتورىنىڭ ورىنباسارى بۇركىتباي اياعان، ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ پروفەسسورى ساتاي سىزدىقوۆ، ە.ا. بۋكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ ەتنومادەني جانە تاريحي-انتروپولوگيالىق زەرتتەۋلەر ورتالىعىنىڭ جەتەكشىسى زاۋرەش ساقتاعانوۆا، م. ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ پروفەسسورى التايى ورازباەۆا قاتىستى.

4589656

دوڭگەلەك ۇستەل سوڭىندا قازاقستان ەلشىلىگى كارلوۆ ۋنيۆەرسيتەتىنە «احمەت بايتۇرسىن ۇلى جانە الاش» كىتاپتارىن چەح جانە اعىلشىن تىلدەرىندە سىيعا تارتتى.

ەرتەرەكتە  حابارلاعانىمىزداي، اتاقتى قازاق عالىمى جانە قوعام قايراتكەرى احمەت بايتۇرسىن ۇلىنىڭ 150-جىلدىعى 2022 جىلى اتالىپ وتىلەتىن يۋنەسكو-نىڭ ايتۋلى مەرەيتويلار تىزىمىنە قوسىلعان بولاتىن.

سوڭعى جاڭالىقتار

شابىت شاقىراتىن شاھار

ەلوردا • بۇگىن، 08:23

اقجايناق استانا

ەلوردا • بۇگىن، 08:22

وزىق ءوندىرىس ورنىندا بولدى

ايماقتار • بۇگىن، 08:20

باعدارىڭ قالاي، باس قالا؟

ەلوردا • بۇگىن، 08:17

ديماش پەن دجەكسون

ونەر • بۇگىن، 08:10

ۇتقانىمىز شامالى بولىپ تۇر

قوعام • بۇگىن، 08:05

ەگىزدەر فەستيۆالى

قوعام • بۇگىن، 08:00

احاڭنىڭ ادالدىعى

احمەت بايتۇرسىن ۇلى • كەشە

قارالى كەزەڭ كارتيناسى

قازاقستان • كەشە

ۇقساس جاڭالىقتار