بۇيرىق جوباسى 6 ساۋىرگە دەيىن اشىق قۇقىقتىق اكتىلەر پورتالىندا تالقىلاۋ ءۇشىن ورنالاستىرىلعان.
مينيسترلىك التى ايعا قازاقستان اۋماعىنان كەز كەلگەن نىسانداعى دارىلىك زاتتاردى, ونىڭ ىشىندە فارماتسەۆتيكالىق سۋبستانتسيالاردى, مەديتسينالىق ماقساتتاعى بۇيىمداردى, سونداي-اق ولاردى وندىرۋگە ارنالعان ماتەريالدار مەن كومپونەنتتەردى اكەتۋگە تىيىم سالۋدى جوسپارلاپ وتىر.
«تەك جەكە تاپسىرىسى بويىنشا جەكە پايدالانۋعا ارنالعان مەديتسينالىق بۇيىمدار, حالىقارالىق گۋمانيتارلىق كومەك كورسەتۋ ءۇشىن جىبەرىلگەن تاۋارلار, بولشەك ساۋدا اياسىندا جەكە تۇتىنۋ ءۇشىن اكەلىنەتىن جانە ساتىپ الىنعان تاۋارلار, تەگىن مەديتسينالىق كومەكتىڭ كەپىلدىك بەرىلگەن كولەمى جانە مىندەتتى مەديتسينالىق ساقتاندىرۋ شەڭبەرىندە الىنعان دارىلىك زاتتار مەن مەديتسينالىق ماقساتتاعى بۇيىمدار, زەرتتەۋ جانە سىناۋ ءۇشىن الىنعان ۇلگىلەر, پايدالانۋ ورنى بويىنشا دەنساۋلىق ساقتاۋ ۇيىمدارىندا تىكەلەي وندىرىلگەن راديوفارماتسەۆتيكالىق پرەپاراتتارعا تىيىم سالىنبايدى», دەلىنگەن حابارلامادا.
