سارسەنبىدە قىتايدىڭ وڭتۇستىگىندە قۇلاعان Boeing 737-800 ۇشاعىنىڭ ەكى قارا جاشىگىنىڭ ءبىرى تابىلدى. قىتايدىڭ ازاماتتىق اۆياتسيا باسقارماسىنىڭ (CAAC) وكىلى چجۋ تاو قالپىنا كەلتىرىلگەن قارا جاشىك ۇشقىش كابيناسىنداعى ديكتوفون ەكەنىن ايتتى.
چجۋ تاونىڭ ايتۋىنشا, قارا جاشىك بەيجىڭدەگى ينستيتۋتقا تەكسەرىسكە جىبەرىلگەن. كابينا ديكتوفونى تەرگەۋشىلەرگە رەيستىڭ ءۇش ۇشقىشى اراسىنداعى بايلانىس تۋرالى تولىق اقپاراتتى بەرۋى مۇمكىن.
اپات سەبەبى ءالى انىقتالماعان. سونداي-اق, امان قالعاندار دا ءالى تابىلمادى.
ايتا كەتەيىك, 21 ناۋرىزدا China Eastern Airlines كومپانياسىنىڭ ۇشاعى قىتايدىڭ وڭتۇستىگىندەگى گۋانسي-چجۋان ايماعىندا اپاتقا ۇشىراعان ەدى. بورتتا 132 ادام بولعان.
