Energyprom ساراپشىلارىنىڭ دەرەكتەرىنە قاراعاندا, قازاقستاننىڭ الەمدىك رەيتينگتەگى يندەكسى – 59,99. بۇل جەردە يندەكس جوعارى بولعان سايىن دەنساۋلىق ساقتاۋ جۇيەسى دە جاقسى دەگەن ءسوز.
جالپى, دەنساۋلىق ساقتاۋ جۇيەسى ساپاسىنىڭ يندەكسى مەديتسيالىق قىزمەتكەرلەردى, قۇرال-جابدىقتاردى, قىزمەت قۇنىن جانە باسقا دا كورسەتكىشتەردى باعالاۋ ارقىلى انىقتالادى.
رەيتينگكە سايكەس, تايۆان, وڭتۇستىك كورەيا جانە جاپونيانىڭ دەنساۋلىق ساقتاۋ جۇيەسى ەڭ ۇزدىك دەپ تانىلدى. ال ەڭ ناشار كورسەتكىش ۆەنەسۋەلادا تىركەلگەن.
رەيتينگكە قاتىساتىن تمد ەلدەرى اراسىندا قازاقستاننىڭ دەنساۋلىق جۇيەسى ۇزدىك دەپ تانىلعان. بۇل رەتتە رەسەي, ۋكراينا, جانە ازەربايجاننىڭ كورسەتكىشتەرى ءبىرشاما تومەن.
وسى جىلدىڭ اقپانىندا ەلىمىزدە امبۋاتورلىق قىزمەتتەردىڭ باعاسى 1 ايدا 1,8%-عا ال 1 جىلدا 6,4%-عا قىمباتتادى. ايلىق ديناميكادا دارىگەرلەردىڭ قىزمەتى 6,1%-عا, دارىگەرلەردىڭ العاش قابىلداۋى 2,1%-عا, مەديتسينالىق زەرتحانالار مەن رەنتگەن كابينەتتەرىنىڭ قىزمەتتەرى 1,4%-عا, ءتىس دارىگەرلەرىنىڭ قىزمەتى 0,6%-عا ءوستى.
ەلىمىزدە ءاربىر 100 مىڭ تۇرعىنعا 405 دارىگەردەن, دالىرەك ايتساق, 14 پروۆيزوردان, 21 فارماتسەۆتەن, 323 دارىگەر-ماماننان جانە 10 ءتىس دارىگەرىنەن كەلەدى. ەلوردا مەن الماتى قالاسى جانە قاراعاندى وبلىسى دارىگەرلەرمەن ءبىرشاما جوعارى دەڭگەيدە قامتىلعان. ال اقمولا, الماتى جانە تۇركىستان وبلىستارىندا دارىگەر جەتىسپەۋشىلىگى بايقالادى.
