پاكىستاننىڭ پرەمەر-ءمينيسترى يمران حانمەن كەزدەسۋدە ەكى ەل اراسىنداعى ساۋدا-ەكونوميكالىق جانە ينۆەستيتسيالىق ىنتىماقتاستىقتى كەڭەيتۋ ماسەلەلەرى تالقىلاندى. پاكىستان ۇكىمەتىنىڭ باسشىسى ورتالىق ازيا ەلدەرىمەن ءوزارا ءىس-قيمىل پاكىستاننىڭ سىرتقى ساياساتىنىڭ باسىم باعىتتارىنىڭ ءبىرى ەكەنىن اتاپ ءوتتى.
پارلامەنت سەناتىنىڭ توراعاسى ساديك ساندجرانيمەن كەزدەسۋدە پارلامەنتتىك ديپلوماتيانى جانداندىرۋ قاجەتتىگى باسا ايتىلدى. ساپار الماسۋ كەستەسى مەن پارلامەنتارالىق ىنتىماقتاستىقتىڭ جاڭا تۇرلەرى تالقىلاندى.
پير سىرتقى ىستەر ءمينيسترى ماحمۋد كۋرەشيمەن كەلىسسوزدەر بارىسىندا م.تىلەۋبەردى ارىپتەسىن پاكىستاننىڭ ۇلتتىق كۇنىمەن جانە ەكى ەل اراسىنداعى ديپلوماتيالىق قارىم-قاتىناستاردىڭ ورناعانىنا 30 جىل تولۋىمەن قۇتتىقتادى. تاراپتار جوعارى جانە اسا جوعارى دەڭگەيدەگى ءىس-شارالار كەستەسىن, سونداي-اق ەكىجاقتى قارىم-قاتىناستاردى ودان ءارى دامىتۋ پەرسپەكتيۆالارىن تالقىلادى.
ساپار بارىسىندا مينيستر م.تىلەۋبەردى جانە يىۇ سىرتقى ىستەر مينيسترلەرى كەڭەسىنىڭ باسقا دا دەلەگاتسيا باسشىلارى پير پرەزيدەنتى دوكتور اريف الۆيمەن ۇجىمدىق كەزدەسۋگە جانە پاكىستان يسلام رەسپۋبليكاسى تاۋەلسىزدىك كۇنىنىڭ 75 جىلدىعىنا ارنالعان اسكەري پارادقا قاتىستى.
