«جەر قويناۋىن پايدالانۋ قۇقىعىن الۋعا مۇددەلى بارلىق تۇلعالار اۋكتسيون وتكىزۋگە ارنالعان ءوتىنىشتى «اقپاراتتىق-ەسەپتەۋ ورتالىعى» اق ەلەكتروندىق اۋكتسيوندار وپەراتورىنىڭ سايتىندا بەرە الادى (www.gosreestr.kz). قر ەنەرگەتيكا مينيسترلىگىمەن كەلىسىلگەن قر يندۋستريا جانە ينفراقۇرىلىمدىق دامۋ مينيسترلىگىنىڭ 2022 جىلعى 7 اقپانداعى بۇيرىعىمەن مەملەكەتتىك جەر قويناۋى قورىن باسقارۋ باعدارلاماسى بەكىتىلدى, وعان اۋكتسيون نەگىزىندە جەر قويناۋىن پايدالانۋ قۇقىعىن بەرۋ ءۇشىن 60 جەر قويناۋى ۋچاسكەسى ەنگىزىلدى», دەلىنگەن ەنەرگەتيكا مينيسترلىگىنىڭ مالىمەتىندە.
اۋكتسيوندى وتكىزۋگە ارنالعان وتىنىشتەر قارالعاننان كەيىن, قر ەنەرگەتيكا مينيسترلىگىنىڭ رەسمي ينتەرنەت-رەسۋرسىندا كومىرسۋتەكتەر بويىنشا جەر قويناۋىن پايدالانۋ قۇقىعىن بەرۋگە ارنالعان ەلەكتروندىق اۋكتسيون وتكىزۋ تۋرالى حابارلاما جاريالانادى.
«حابارلامادا سىزدەر كەلەسى اقپاراتپەن تانىسا الاسىزدار: گەوگرافيالىق كوورديناتتار, قول قويىلاتىن بونۋستىڭ باستاپقى مولشەرى, بارلاۋ كەزەڭىندە جەر قويناۋى ۋچاسكەسىندەگى جۇمىستاردىڭ كولەمى مەن تۇرلەرى بويىنشا ەڭ تومەنگى تالاپتار جانە ولاردىڭ باعالاۋ قۇنى تۋرالى, سونداي-اق اۋكتسيونعا قاتىسۋعا وتىنىشتەر بەرۋ مەرزىمدەرى, اۋكتسيوندى وتكىزۋ كۇنى مەن ۋاقىتى. اۋكتسيونعا قاتىسۋعا ارنالعان وتىنىشتەر ەنەرگەتيكا مينيسترلىگىنىڭ سايتىندا حابارلاما جاريالانعان كۇننەن باستاپ 2 اي ىشىندە قابىلدانادى (كودەكستىڭ 95-بابىنىڭ 4-تارماعى). اۋكتسيوندى وتكىزۋ كۇنى حابارلامادا كورسەتىلەدى», دەپ ناقتىلادى ۆەدومستۆو.
