«الماتىلىقتاردى ناۋرىز مەيرامىمەن قۇتتىقتاۋ كەزىندە پرەزيدەنت «ەكىنشى رەسپۋبليكا» جايىندا ايتتى. وسىعان بايلانىستى كەيبىر ساراپشىلار بۇل تۇسىنىكتىڭ استارىندا نە جاتىر جانە بۇعان دەيىن جاريالانعان «جاڭا قازاقستان» كونتسەپتىسىنە ونىڭ ءوزارا قاتىسى قانداي دەگەن سۇراق قويىپ وتىر. شىن مانىندە, وسى ەكى يدەولوگەمانىڭ ءمانى ءبىر, ياعني تەك اكتسەنتتەرىندە عانا ايىرماشىلىق بار. جاڭا قازاقستان – ول جالپى ءبىزدىڭ ەلدىڭ بولاشاعىنىڭ وبرازى», دەپ جازدى ەرلان قارين Telegram كانالىندا.
ونىڭ ايتۋىنشا, بۇل قوعامدىق قۇندىلىقتاردى جاڭارتۋ مەن ۇلتتىڭ جاڭا ساپاسىن قالىپتاستىرۋ قاجەتتىگىن بىلدىرەدى.
«سايكەسىنشە, ەلىمىز قاڭتار وقيعاسى نەمەسە جولداۋدان كەيىن بىردەن اۆتوماتتى تۇردە جاڭا قازاقستاندا ءومىر سۇرە باستادى دەگەندى بىلدىرمەيدى. جاڭا قازاقستاندى قۇرۋ ءبىر ساتتە ىسكە اسا قويمايدى. بۇل - ءوز كەزەگىندە قوعامدىق ترانسفورماتسيانىڭ تەرەڭ جانە ۇزاق پروتسەسى», دەپ جازدى ەرلان قارين.
