بۇل تۋرالى بۇگىن ورتالىق مەملەكەتتىك جانە جەرگىلىكتى اتقارۋشى ورگانداردىڭ باسشىلارىمەن كەزدەسۋدە سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ورىنباسارى ماقسات قوجاباەۆ ايتتى.
ونىڭ ايتۋىنشا, بۇگىنگى تاڭدا سىبايلاس جەمقورلىققا قارسى ساراپتامامەن 11 مىڭعا جۋىق نقا جوباسى قامتىلعان, وندا 28 مىڭنان استام سىبايلاس جەمقورلىق فاكتورلارى انىقتالعان. قورىتىندىسى بويىنشا 5 مىڭعا جۋىق قۇقىقتىق قۇجاتتار قابىلدانىپ, قولدانىسقا ەنگىزىلدى. ناتيجەسىندە, قابىلدانعان نقا-نىڭ جارتىسىنان استامىندا ازىرلەۋ كەزەڭىندە دە سىبايلاس جەمقورلىق تاۋەكەلدەرى الىنىپ تاستالدى.
قابىلدانعان نقا-نى تالداۋ كورسەتكەندەي, بارلىق ۆەدومستۆولار قۇجاتتاردى سىبايلاس جەمقورلىققا قارسى ساراپتاما ارقىلى جۇرگىزبەيدى جانە وسىعان ۇقساس جوبالاردا بۇرىن بەلگىلەنگەن سىبايلاس جەمقورلىق تاۋەكەلدەرىن جويۋ بويىنشا جۇيەلى شارالار قابىلدايدى. اعىمداعى جىلدىڭ 2 ايىندا مەملەكەتتىك ورگاندار 85 جوبانى ساراپتاماعا جىبەرمەدى. ال ازىرلەنىپ جاتقان كوپتەگەن نورمالاردا سىبايلاس جەمقورلىق تاۋەكەلدەرى بار.
«مەملەكەتتىك ورگانداعى قۇقىق شىعارماشىلىعى قىزمەتىنىڭ تيىمدىلىگىن ارتتىرۋ, ونىڭ ىشىندە نقا جوبالارىن ازىرلەيتىن قىزمەتكەرلەر ءۇشىن تۇراقتى جانە دايەكتى سەمينار-ترەنينگتەر وتكىزۋ; بۇدان باسقا, نقا جوبالارىندا قۇقىق قولدانۋشىلاردى قىلمىستىق كودەكستىڭ 15-تاراۋىندا رەگلامەنتتەلگەن سىبايلاس جەمقورلىق قىلمىستىق قۇقىق بۇزۋشىلىقتار جاساۋعا اكەپ سوعۋى مۇمكىن سىبايلاس جەمقورلىق فاكتورلارىنا جول بەرمەۋگە نازارىن اۋدارۋ قاجەت», دەپ اتاپ ءوتتى م. نارىكباەۆ اتىنداعى قازگزۋ عىلىمي ساراپتاما جانە تالداۋ ينستيتۋتى ديرەكتورى م. قوعاموۆ
سونداي-اق ول نقا جوباسىن ازىرلەۋشى مەن عىلىمي قۇقىقتىق ساراپشى اراسىنداعى تۇراقتى بايلانىس, اسىرەسە سىبايلاس جەمقورلىققا قارسى عىلىمي ساراپتاما قورىتىندىسىن العاننان كەيىنگى كەزەڭدە, ساراپتاما بارىسىندا انىقتالعان سىبايلاس جەمقورلىق نورمالارىن جويۋ ماقساتىندا وزەكتى ەكەنىن اتاپ ءوتتى.
كەڭەس ناتيجەلەرى بويىنشا ازىرلەۋشى ورگاندارعا زاڭ شىعارۋ قىزمەتىن كۇشەيتۋ جانە نقا جوبالارىندا سىبايلاس جەمقورلىق فاكتورلارىنا جول بەرمەۋگە نازار اۋدارۋ ۇسىنىلدى.
