رەيتينگتىڭ توپ-10 قاتارىنا دانيا, يسلانديا, شۆەيتساريا, نيدەرلاندى, ليۋكسەمبۋرگ, شۆەتسيا, نورۆەگيا, يزرايل جانە جاڭا زەلانديا كىردى.
11-دەن 15-ءشى ورىنداردا اۆستريا, اۆستراليا, يرلانديا, گەرمانيا جانە كانادا كورىندى.
16-شى ورىندا اقش (2021 جىلى 14-ءشى), 17-ءشى ورىندا ۇلىبريتانيا (2021 جىلى 18-ءشى).
فرانتسيانىڭ رەيتينگتەگى ورنى وتكەن جىلمەن سالىستىرعاندا وزگەرىسسىز قالدى – 20-شى ورىن.
سونداي-اق, World Happiness Report رەيتينگىنە بۇرىنعى كسرو ەلدەرى كىردى: ليتۆا (34-ءشى) جانە ەستونيا (36-شى) جاقسى كورسەتكىشتەرگە يە.
بيىل قازاقستان 5 تارماققا كوتەرىلىپ, 40-ورىنعا تۇراقتادى(2021 جىلى 45-ءشى ورىن).
رەيتينگ بويىنشا لاتۆيا 42-ءشى, وزبەكستان – 53-ءشى, مولدوۆا – 62-ءشى, قىرعىزستان – 64-ءشى, بەلارۋس – 65-ءشى, تۇرىكمەنستان – 78-ءشى, ارمەنيا – 82-ءشى, تاجىكستان – 83-ءشى, ءازىربايجان – 92-ءشى, ۋكراينا – 98 – ءشى, گرۋزيا-105-ءشى.
بيىل رەسەي رەيتينگتەگى پوزيتسياسىن ناشارلاتىپ, 80-ءشى ورىنعا تومەندەدى.
ەڭ باقىتسىز ەلدەر ليۆان (145-ءشى ورىن) مەن اۋعانستان (رەيتينگتىڭ سوڭعى جولى) بولىپ تانىلدى.
بيىلعى جىلى قۇرامىنا 146 ەل كىرگەن World Happiness Report جىل سايىنعى بايانداماسىن بۇۇ-نىڭ تۇراقتى دامۋ شەشىمدەرىن ىزدەۋ جونىندەگى بولىمشەسى جاسادى. ەلدەر حالىقتىڭ ءومىر ءسۇرۋ ۇزاقتىعى, الەۋمەتتىك قولداۋ, مەملەكەتتەردىڭ سىبايلاس جەمقورلىققا قارسى كۇرەسى, ازاماتتاردىڭ ومىرلىك ماڭىزدى شەشىم قابىلداۋ مۇمكىندىگى سياقتى كورسەتكىشتەر بويىنشا باعالانادى. دۇنيەجۇزىلىك باقىت تۋرالى ەسەپ العاش رەت 2012 جىلى جارىق كوردى.
