ۆيتسە-ءمينيستردىڭ ايتۋىنشا, بۇگىنگى تاڭدا الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن تۇراقتاندىرۋ ماقساتىندا رەسپۋبليكالىق جانە وڭىرلىك دەڭگەيلەردە شارالار قابىلدانۋدا. قازىر ەلىمىزدە 1,3 ملن توننا ازىق-ت ۇلىك تاۋارلارىنىڭ قورى بار, بۇل حالىقتىڭ قاجەتتىلىگىن قامتاماسىز ەتۋ ءۇشىن جەتكىلىكتى.
ال باعانىڭ نەگىزسىز وسۋىنە جانە الىپساتارلىققا جول بەرمەۋ ءۇشىن رەسپۋبليكالىق جانە جەرگىلىكتى اتقارۋشى ورگاندار دۇكەندەردىڭ ساۋدا ۇستەمەسىن ساقتاۋى بويىنشا تۇراقتى تەكسەرۋلەر جۇرگىزەدى.
«باعانى تۇراقتاندىرۋ قۇرالدارىن جەتىلدىرۋ ماقساتىندا ءبىز جاڭا تاسىلدەردى ازىرلەۋدەمىز. الەۋمەتتىك ماڭىزى بار تاۋارلاردىڭ ساتىپ الۋ كولەمىن ۇلعايتۋمەن, ءۇش باعىت بويىنشا تاۋارلار بولىنىسىندە ازىق-ت ۇلىك ساتىپ الۋدى ۇسىنامىز. ءبىرىنشى, ۇزاق مەرزىمدى ساقتاۋ تاۋارلارىن (كۇرىش, قانت, تۇز جانە قاراقۇمىق جارماسى) ءبىز تۇراقتاندىرۋ قورلارىنا جەرگىلىكتى اتقارۋشى ورگانداردىڭ تىكەلەي جانە فورۆاردتىق ساتىپ الۋ ارقىلى جۇرگىزۋدى ۇسىنامىز. ەكىنشى, «اينالىم تەتىگى» اياسىندا كوكونىستەردى, ەتتى, ءسۇت ونىمدەرىن جانە كۇنباعىس مايىن ساتىپ الۋ جۇرگىزىلەدى. ءۇشىنشى, ۇن, نان جانە روجكيلەر ءوندىرىسىن ارزانداتۋ ءۇشىن بيدايدى «ازىق-ت ۇلىك كەلىسىمشارت كورپوراتسياسى» اق ارقىلى ساتىپ الۋ ۇسىنىلادى», دەدى ەرلان باتتاقوۆ.
ءبىرىنشى ۆيتسە-ءمينيستردىڭ ايتۋىنشا, بۇل تاسىلدەر حالىقتى ونىممەن جەتكىلىكتى كولەمدە جانە قولجەتىمدى باعامەن قامتاماسىز ەتۋگە مۇمكىندىك بەرەدى.
بۇدان بولەك, تۇراقتاندىرۋ قورلارىن ەسەپكە الاتىن بولسا, الەۋمەتتىك ماڭىزى بار ازىق-ت ۇلىك تاۋارلارىن ساتىپ الۋ ءۇشىن قارجىلاندىرۋدىڭ جالپى كولەمى 140 ملرد تەڭگەگە دەيىن جەتكىزىلەتىن بولادى.
