ۇكىمەت • 18 ناۋرىز، 2022

بيىل سالىق تۇسىمدەرى ەكى ەسەگە ارتقان

2022 جىلعى قاڭتار-اقپان ايىندا مەملەكەتتىك بيۋدجەتكە سالىق تۇسىمدەرى بويىنشا جوسپار 108،2% ورىندالدى، دەپ حابارلايدى Egemen.kz.

گاۋھار قاپاش

بۇل تۋرالى قر قارجى مينيسترلىگىنىڭ مەملەكەتتىك كىرىستەر كوميتەتى ءمالىم ەتتى.

وتكەن جىلعى ۇقساس كەزەڭمەن سالىستىرعاندا سالىق تۇسىمدەرى 1،9 ەسە نەمەسە 1 249،3 ملرد تەڭگەگە ءوستى، ونىڭ ىشىندە:

- رەسپۋبليكالىق بيۋدجەت 100،5% ورىندالدى، وتكەن جىلعى ۇقساس كەزەڭىمەن سالىستىرعاندا 2،3 ەسە نەمەسە 1 115،6 ملرد. تەڭگەگە ءوستى.

- جەرگىلىكتى بيۋدجەت 139،8% ورىندالدى، 2021 جىلعى ۇقساس كەزەڭىمەن سالىستىرعاندا 24،8% نەمەسە 133،7 ملرد تەڭگەگە ءوستى. 2021 جىلعى ۇقساس كەزەڭىمەن سالىستىرعاندا رەسپۋبليكالىق بيۋدجەت تۇسىمدەرىنىڭ ەڭ كوپ سوماسى مۇنايعا سالىناتىن كورپوراتيۆتى تابىس سالىعى بويىنشا 358،3 ملرد تەڭگەگە نەمەسە 2،3 ەسە، ىشكى تۇتىنۋ تاۋارلارىنا قوسىلعان قۇن سالىعى 431،4 ملرد تەڭگەگە نەمەسە 7،1 ەسە جانە ەكسپورتتىق كەدەن باجدارى بويىنشا 183،0 ملرد تەڭگەگە نەمەسە 3 ەسە وسكەنى بايقالادى.

تۇسىمدەردىڭ وسۋىنە مىناداي فاكتورلار اسەر ەتتى. 2022 جىلعى قاڭتار-اقپان ايىن وتكەن جىلعى ۇقساس كەزەڭمەن سالىستىرعاندا نەگىزگى ەكسپورتتىق پوزيتسيالارعا، ونىڭ ىشىندە باعانىڭ مۇنايعا 58،4%، اليۋمينيگە 53،4%، مىرىشقا 33،1%، مىسقا 20،0% جانە قورعاسىنعا 13،2% ءوسۋى بايقالادى.

شيكى مۇنايعا سالىناتىن كەدەندىك اكەتۋ باجىنىڭ مولشەرلەمەسى 57،9%-عا ءوستى. ءۇشىنشى ەلدەرمەن تاۋار اينالىمى 2022 جىلعى قاڭتار ايىندا 1،7 ەسەگە ۇلعايدى. وتكەن جىلعى ۇقساس كەزەڭىمەن سالىستىرعاندا 2022 جىلعى قاڭتار- اقپان ايىندا وتكىزۋ بويىنشا اينالىم 32،3%-عا ۇلعايدى.

2022 جىلعى قاڭتار-اقپان ايىندا ەلەكتروندى شوت-فاكتۋرالاردىڭ دەرەكتەرى بويىنشا وزگە دە قىزمەت تۇرلەرىن ۇسىنۋ 2،1 ەسەگە، ونەر، ويىن-ساۋىق جانە دەمالىس بويىنشا 1،8 ەسەگە، كەن ءوندىرۋ ونەركاسىبى جانە كارەرلەردى قازۋ 1،6 ەسەگە، كاسىبي، عىلىمي جانە تەحنيكالىق قىزمەت 60،1%، اقپارات جانە بايلانىس 50،9%، قۇرىلىس 38،9%، وڭدەۋ ونەركاسىبى 36،0%، سۋمەن جابدىقتاۋ جانە كارىز جۇيەسى 28،6%، ءبىلىم بەرۋ 28،4% جانە كوتەرمە جانە بولشەك ساۋدا; اۆتوموبيلدەردى جانە موتوتسيكلدەردى جوندەۋ 28،2%-عا ءوستى.

وتكەن جىلعى ۇقساس كەزەڭىمەن سالىستىرعاندا 2022 جىلعى قاڭتار-اقپان ايىندا ءبىر سالىق تولەۋشىگە ونلاين بكم ورتاشا ءتۇسىمى 60،3%-عا ءوستى (5،7 ملن. تەڭگەدەن 9،1 ملن. تەڭگەگە دەيىن).

سالالار بولىگىندە ورتاشا ءتۇسىمنىڭ ءوسۋى قارجى جانە ساقتاندىرۋ قىزمەتى 2،5 ەسەگە، كولىك جانە قويماعا ورنالاستىرۋ بويىنشا 2 ەسەگە، كوتەرمە جانە بولشەك ساۋدا; اۆتوموبيلدەردى جانە موتوتسيكلدەردى جوندەۋ 1،9 ەسەگە، وزگە دە قىزمەت تۇرلەرىن ۇسىنۋ 32،0%، ونەر، ويىن-ساۋىق جانە دەمالىس 30،6%، اقپارات جانە بايلانىس 25،4%، تۇرۋ جانە تاماقتانۋ بويىنشا قىزمەتتەر 23،7%-عا وسەنى بايقالادى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز